السلام عليكم ورحمة الله وبركاته
والصلاة والسلام على اشرف المرسلين وخاتم النبيين سيدنا محمد وعلى اله وصحبه وسلم
وبعد
الموضوع اني اريد احذر اخواني اللي عندهم الدراجة المذكورة اعلاه او يريدون يشترون مثلها……
تر ى الدراجه ياجماعة الخير خطييييييييييييييييييرة جدا جدا جدا او شي الدراجة وايد قوية وحجمها صغير وجلبتها مافي اسهل منها
اجازة العيد اللي طافت شهدت الكثير من حوادث هاي الدراجة وبالاخص في ليوا وانا واحد منهم وشفت واحد قدام عيني
اكيد في ناس بيقولون يمكن ماتعرف اتسوق ولايمكن اول مره تركب دراجة ,,,, احب اقولهم اني ماشالله تبارك الرحمن من يوم ما استويت وانا عندي دراجات من جميع الانواع هذا من غير البقيات واللي عليهن من اقوى المكاين
بس مثل هاي الدراجه ما مر عليه بصراحه الدراجة اللي خذتها عليها رنجات وتواير عراض هذا غير التعريض يعني الدراجة وايد عريضة وكنت اشوي مسرع ولفيت عليها وما وعيت الا اريولي تحتها وانا منجلب على يمب المهم الاخوان ساعدوني وودوني المستشفى والحمدالله مافي كسور ولكن رضوض شديدة
وهني اشكر الله واحمده على السلامة
على العموم اخواني
اذا كان لابد من هاي الدراجة عليكم بالحزام والشبك اللي عند الباب لازم اتكون مسكره
لاتفكر اتشل حد من عيالك او اخوانك الصغار اللي اقل من 16 سنة في الدراجة
عند المنحنيات اتحذر لاتدخلها مسرع
لاتفكر انك اتخمس على القار حتى لو كان هناك صبصوب او غيره الخوف انها تطلع منه وتمسك على القار ولا توعابها الا على راسك
هذا وادعي من الله انه يسلمني و يسلمكم ويسلم جميع شبابنا من كل شر و مكروه
والسموحه
شكر اخوي ضبياني على التوظيح وانا عندي بعد بولارايس وكنا رايحين مع شباب في ليوا من مزيرعه الى المرعب الصراحه الدراجه ما فيها حيله بمعنى الكلمه بس لازم اتكون حذر هيه سواقتا مثل السياره اذا انته اتعرف اتسوق في الرمله في السياره فهاذي مثل سواقة السياره بس الحذر واجب على فكره كل واحد ايعرف المرعب انا كنت من الناس اللي يخاف يرقا المرعب ايام البانشي لاكن راح الخوف بس دائما اكون حذر اسبوع العيد وصلنا المرعب مع شلت شباب عندهم بولارايس نحنا كنا اربع دراجات بولارايس وحده رابتر وحده ام تايرين وصلنا المرعب قريب المغرب وعلى طول قلت في نفسي خلني اطلع المرعب بالدراجه واشوفا تطلع ولا لا وبصراحه شديت الحزام وطلعت المرعب ما شا الله على الدراجه طلعت المرعب بس مش سيده لازم اشوي اتسيربها يمين ويسار لين ما تطلع الصراحه ما فيها كلام بس ونحنا رادين انجلب واحد من الشباب ومعاه واحد امعاون في بطن النقا كانت غلطة من واحد طلع قدامه وهذاك على طول جلد عليها على فوق وانجلبت لكن الحمد الله ما صارلهم اي شي اولا بفضل رب العالمين ثم بفضل الحزام بس انا اقول البولارايس يبقيلها دريول سياره ايعرف ايسوق في الرمله ولكم جزيل الشكر والتقدير
الصور عجيبة
بتصلك ان شالله
جزاك الله خير اخويه
ودراجتي قلطتها على واحد من الربع
والحين انتظر الاس بتوصلني قريب ان شالله
السلام عليكم
الحمد لله السلامة
اخي الغزيز مافي شي ماينقلب حتى البقيات تنقلب وهذا يعتمد اولا على السواقه وبعدين على الدراجه
واهم شي الي يسوق الدراجه لا يستهين في الحزام ولا يقول والله يضايقني .. بدون الحزام يمكن انت بتطلع من الدراجه او يضرب راسك في مكان فا الحذر من الجميع
وفي شي ثاني بخصوص الدراجه البولاريس فيها اشياء لازم اتسويها
اولا: لازم اتركب البيبان لاتقولي شبك الوكاله ينفع لا الباب احسن عن الشبك لان الشبك فايدته انه مايخليك تطلع من الدراجه فا مع الحزام + الباب انشالله انت في السليم
ثالثا:: لازم اتركب سبيسر قياسه من 2 انج الى 3 انج لان في الوكاله يبيعون انج واحد بس وهذا ماينفع
وفي شي بعد لازم اتغيره … عليك بلجامبيل انت تقدر تتحكم في اذا تبي ترفعه او تنزله فا اذا كنت تبي اتخمس بدراجه لازم اتنزله بلكامل واذا كنت بتي الرمله اتخليه على الوسط لاترفعه كامل علشان ماتشتل عليك
واذا اي واحد عنده استفسار او اي ملاحظه يقولي لايتردد
وكل سامانه متوفر عندي اذا تبي بيبان او سبيسر او فريم او اي شي
للتواصل 0502239009
وهذي الصوره عن البيبان والفريم بعده مانصبغ
جزااااااااااااك الله خير يا خوي و الحمد لله السلامة