ياليت اللي عنده قصايد وطنيه يحط لنا اياها في هالموضوع
اللي له معرفه شخصيه مع أحد الشعراء أو حد من اعضاء المنتدى عنده موهبة كتابة الشعر يتحفنا باللي عنده 
ان شاءالله ناويين نسجّل عمل جديد (عمل وطني) بمناسبة العيد الوطني الـ37 لدولتنا الحبيبه
وهذي بعض الأناشيد الوطنيه لفرقة الدار الإماراتيه
حب الوطن
[ كلمات الشاعر الإماراتي: سالم سيف الخالدي & ألحان: فرقة الدار ]
بمناسبة العيد الوطني الـ36
أوفى الرجال
[ كلمات الشاعر: مصعب الكيومي & ألحان: فرقة الدار ]
مهداه الى صاحب السمو الشيخ خليفه بن زايد آل نهيان رئيس الدوله -حفظه الله ورعاه-
بمناسبة العيد الوطني الـ35
أم عقصين .. مشكوره أختي عالقصيده الرائعه
أخوي سرحان .. يامرحبا بك ومشكور عالتعديل
ان شاءالله بنشووف كيف نوصل لهم
تعديل البيت الثالث ..
في الفدا لك كلنا مخلص وفادي++ وفي الضماير لك محل وفي الفؤاد
اعتقد لازم يرخصونك من الديوان
وبالتوفيق
( أم الفخر ) للشاعر أنور المشيري
حبيبة قلبي يا أم الخير يـ بلادي
يـ عشقٍ يسري في دمي و شراييني
أحبج كلمةٍ تبدى من فوادي
و تسكنني لآخر نقطة فيني
أنا و بكل فخر من يوم ميلادي
( إماراتي ) و هذي الكلمة تكفيني
لأنك يا وطن عزي و أمجادي
علم يخفق غلاته في سما عيني
يا دارٍ بـ العطا كم لبت منادي
يا دارٍ صيتها بالفخر يمليني
يا داري مثل وجه القمر باقي
فدى ترابج أنا و أيامي و اسنيني
أحبج و الغلا ما هو غلا عادي
و أهني العالم بمجدج و أهنيني
و كل ما قلت ( امارات الوفا بلادي )
أحس اني ملكت الكون بيديني
تسلم يالغالي
روووعه القصيده
ونتشرف ونفتخر بأداء قصيده من كلمات صاحب السمو الشيخ محمد بن راشد ربي يحفظه ويرعاه
بس أظني لازم نكلم ديوان الشيخ محمد ونترخص منهم اذا بنسجل .. صح ولا انا غلطان ؟
في الفدا لك كلنا مخلص .. وفي الضماير لك محل وفي الفؤاد
يوم نيران المعارك في إتقاد .. لك نلبي كل ما نادى المنادي
نبذل الأرواح من أجلك سخيه .. ما نبالي بالمخاطر والمنيه
كلنا يا دارنا جند وسريّه .. وأنتِ بشعبك على العادي قويه
يحرسك ربي لنا حره وأبيه .. ما ينالك شي من ضيم الأعادي
راية التوحيد والوحده رفعنا .. وللكتاب اللي لها يدعي سمعنا
نعم زايد لي على الوحده جمعنا .. ونعم مكتومٍ زعيمٍ له تبعنا
حافظين العهد نوفي ما خدعنا .. شعبنا ونمد للوحده الأيادي