السلام عليكم

ياليت لو حد اشترى سيارة بالمرابحة عن طريق دبي الاسلامي يفيدني ،لاني ما اعرف شو السالفة

وكم لازم يكون الراتب عسب يعطوني قرض وهل لازم دفعة أولى؟؟؟؟؟؟؟؟؟؟

27 thoughts on “اللي أخذ قرض سيارة من دبي الاسلامي يفيدنا…”

  2. كتبت قبل فترة عنهم.

    عندي مسؤول كبير بالشركة كويتي..الريال متدين شوي..

    قالي يبا يفتح حساب في بنك اسلامي..قلتله اذا مضطر عندك بنك دبي الاسلامي…بس قلتله بنك تعاملهم مب ذاك الزود خاصة هو متعود على خدمات Vip.

    رجع من البنك معصب من اسلوب تعاملهم..ما فتح الحساب عندهم! سار وفتح عند Hsbc قسم الاسلامي “امانة”.

    اسلامي بالاسم فقط…

  3. والله يا أخي العزيز
    أنصحك نصيحة لوجه الله تعالى

    هذا البنك ( دبي الإسلامي ) أسوأ بنك ممكن تتعامل معاه
    سواء في بطء الإجراءات أو المعاملة من قبل الموظفين اللي ما يدرون الله وين حاطنهم !

    يتعاملون وياك بعقلية عام 1900 و حطبه !!

    الملخص المفيد :
    إبتعد من هالبنك المرض و إنت بتكون بألف خيييييييييييييير

  4. من يومين امطلعة سيارة من بنك دبي الاسلامي عن طريق المرابحة

    لكن أنصحك لا تتعامل مع هالبنك
    لانها كانت اول مرة وآخر مرة

    تعاملهم جداً بطيئ واستمرت المعاملة عندي قريب الاسبوع وأكثر وانا اروح اوقع على شيكات وارجع وكل يوم يتصلون علي تعالي عالبنك
    والوكالة تتصل تعالي عالوكالة

    افضل حل لو انت مضطر للتعامل مع بنك دبي الاسلامي سوي هالطريقة

    اتروح للوكالة اللي تبى تشتري منها السيارة واتقوللهم اني باخذها بقرض من البنك
    بيسألك عن اسم البنك اللي تفضل تتعامل معاه
    وهم بيكون عندهم مندوب يتعاملون معاه مع البنك ويخلصلك كل شي بكل سهولة وراحة بال

    ولا تغلط غلطتي

    اني سرت البنك الأول
    وكذا انت بتكون زبون الوكالة مش البنك ^^

    بالتوفيق

    وبخصوص الراتب تقدر تاخذ سيارة بأقل راتب قدره 2500 على حد علمي

    ولك الحق تدفع لحد النص من قيمة راتبك

    يعني ممكن تدفع من ال2500
    1250 درهم

    ان شاء الله اكون افدتك

Comments are closed.