والله ما كتبت الموضوع إلا من الحره الي فيني ..
بالله عليكم .. غرفة وصالة ب 200 ألف ..؟؟؟؟
ليش شو مستوي …
العالم في أزمة مالية …. والملاك والوسطاء يعرضون مبالغ خيالية …
والواحد منا مب عارف وين يسكن ..؟؟
وين الحكومة عن هذا ..؟؟ لماذا لا يتم ضبط السوق …
وأكثر ما يقهرني … معظم الوسطاء وافدين ..؟؟ ولاعبين في السوق لعب
لا يسعني إلا ان أقول الله المستعان
أنا مالك فيلا سكنية والحين قاعد أشطب فيها وكلفتني الفيلا ب 5 ملايين (تون فيلا) . يعني تريدوني بكم أأجرها ؟؟ بمائة ألف ؟؟؟ ليش الواحد مننا ما يشوف الغلاء حوالينا كل شي زاد 3 أضعاف و 4 أضعاف ابتداء من الطابوق الل كان بدرهم الحين ب 4 دراهم للاسمنت اللي كان ب 9 دراهم والحين بـ24 درهم .. وانتهاء بالأبواب للي كانن ب 600 درهم والحين بـ 1800 يعني ما تبون الايجار يزيد والواحد يرجع على الأقل رأس ماله ؟؟؟ أنا أتكلم عن الفلل الجديدة أم القديمة فالمفروض اللي رد خسارته ينزل من الايجار
اي والله الله المستعان
انا في اعتقادي ان الطلب لا زال مرتفع ولكن اقل من الاول بكثير !!!
يعني نفس ماصار مع غرف العمال راح يصير مع الشقق والفلل !! يارب …
بالله عليكم فيه مكان في العالم فيه فله 5 او 6 غرف نوم على 600 الف درهم !!!!
والله مافيه اتكلم عن السكني وليس السياحي
انا اعرف ناس يشتغلون في سفارات
يقولون بنحول اوروبا لان اللي ندفعه في ابو ظبي
اكثر من اوروبا من ناحية السكن !!
———————————-
وصل بنا الحال ان السماسره يطلبون 20 الف عموله
على الفله هذا على الاقل
يعني 5% هي القيمه العادله في نظرهم ؟؟
لما يطلع بعض الاخوه ويقول انهم يشاركونا
مدراء بنوك ووكيل هوامير
اكيد بيشاركون لو الملبغ قليل ماشاركو
اذا مدير بنك راتبه 80 الف على الاقل يطلب
عموله معناته ان العموله عاليه
يعني اذا عشرين الف على الفله
معناته بيطلع 10 الاف هو !!
يعني 8 فلل يطلع راتبه شي مغري بالنسبه لمدير بنك
فما بالك بالشخص العادي
ارحمو من في الارض يرحمكم من في السماء !!!
ولا بيندمون الملاك واصحاب المكاتب في المستقبل
بالتوفيق للجميع
انا احس لانه بعض الجهات بعده يعطون مخصص السكن فأيد المالك لو يعطون فأيد المستاجر ما بيرضى يسكن بهالسعر وهذا وجهت نظر
أخى الكريم
أنا أتمنى أحد يجاوبنى على سؤالى
لماذا نرمى بكل هذه التهم على السماسرة بوجه عام؟
من هم السماسرة؟
لقد أصبح كل من حولك لا يزيد عن سمسار عقار
من مدير شركة إلى عامل فى الكوفى شوب إلى مدير عام لبنك من البنوك إلى وكيل لأشخاص هوامير, قبل مايعطيك بناية تبعها أو شقة تأجرها يشرط عليك عمولتى الكل أو النص؟
وسوف نكتب ذلك بموضوع خاص ونرجو التجاوب والتعليقات من جانب الإخوة المحترمين
أبو يوسف
الايجار بيطيح لا تستعيلون العرض اكثر من الطلب
بمراحل ولكن الملاك ضاغطين على عمارهم علشان ما تنزل الاسعار والشقق عندم فاضية وجزيرة الريم ومشاريع شاطي الراحة من
بيسكن العمال !!!