السلام عليكم ورحمة الله وبركاتة
الفطيم للسيارات الوكالة المعتمدة لدى الدولة في الامارات معاملتهم للزبون كأنة شحات يبقى منهم شي هنود لافيهم تقدير ولا احترام تضاربهم مضرابه لين ما يستلموا منك السيارة واذا استلموها احمد ربك ولاتتكلم وايد لانهم يقولون ——– خلاص راس مال انا خربان ————- واسعارهم غالية مقارنة بالوكالات الاخرى بريك كامري سفايف وخراطة درامات 1020 درهم ياريت جابر عبيد يعرف الموضوع ويحطة بث مباشر لا والادهى من ذلك اذا ماتعمل السرفس الضمان راح عليك كم السرفس 1000 درهم شويت اصلاحات تطلع من الوكالة 3000 درهم .

118 thoughts on “الفطيم للسيارات اسواء معاملة واغلى سعر”

  1. ازفت معامله معاملة الفطيم والبشوات الهنود اللي فيها

    وانا والله من سببهم ما عاد اسوي سيرفس على سيارتي ابدلها ايل برا وكان الله غفورا رحيما

    بلا مذلة هنود ولا خرابيط

    وانا مره سويت حادث بسيط بسيارتي وكان تصليحها على التامين ووقفة السياره اسبوعين واستمر التصليح اسبوعين يعني شهر كامل

    لكن لا حول ولا قوه

    الهنود صارو اسيادنا

    الله يستر من الياي

  2. الله يعين .. بس تبون الصج .. مافي وكالة في الأمارات زينه . كلهم ما يعطون الزبون حقه !! الا بالضرب .. الا اذا عندك واسطه .. واعني ما اقول ..!!!!!!! لو تعرف حد في الوكاله .. كل شىء بيمشي على الي تباه و حسب ما تباه

    الله كريم

  4. انا مااخذ كامري من البهواان..
    تعاملهم اوكي واسعار السيرفس اعتقد احسن عن الفطيم بوايد..

    سويت حاادث الدبه كلها دخلت دااخل..صلوحه ب اسبوع..

    انا اشوف الوكالات لازم تصارخ عليهم عسب يعاملونك بطيب ويخلصون شغلك..مافي غير هالاسلوب

  5. ليش كل هذا المعابل خذ لك سفايف من القطع الغيار الأصليه قيمتها 120 درهم ودها عند أحسن كراج تعرفه بيخرطه لك وأنته مرتاح ب40درهم كل درام

    ياخوي 15-20 درهم للدرام بالكثير (غير قيمة الفك و التركيب).

Comments are closed.