السلام عليكم ورحمة الله وبركاتة
الفطيم للسيارات الوكالة المعتمدة لدى الدولة في الامارات معاملتهم للزبون كأنة شحات يبقى منهم شي هنود لافيهم تقدير ولا احترام تضاربهم مضرابه لين ما يستلموا منك السيارة واذا استلموها احمد ربك ولاتتكلم وايد لانهم يقولون ——– خلاص راس مال انا خربان ————- واسعارهم غالية مقارنة بالوكالات الاخرى بريك كامري سفايف وخراطة درامات 1020 درهم ياريت جابر عبيد يعرف الموضوع ويحطة بث مباشر لا والادهى من ذلك اذا ماتعمل السرفس الضمان راح عليك كم السرفس 1000 درهم شويت اصلاحات تطلع من الوكالة 3000 درهم .
118 thoughts on “الفطيم للسيارات اسواء معاملة واغلى سعر”
Comments are closed.
صحيح كلام شباب تيوتا كسبت الشهرة في السابق والخدمة ورخص قطع الغيار اليوم لا تملك من هذي المواصفات اي شي لا سيارة سنعة ولا قطع غيار رخيص ولا حتى معاملة حلوة من قبل وكالة الفطيم اذن مابقي شي نخاف علية مانقول الا عظم الله اجرك يالفطيم في وكالتك والمقاطعة هي افضل حل لو تكدست سيارات تيوتا ماحد يشتريها بتحصلونها برخص التراب لا وبيقفون الهنود في الشارع للزبون بتلاقونهم يقولون — ارباب ارباب يريد سيارة تيوتا تعال — وبصراحة انا ناوي ابتعد عن تيوتا والهنود افكر في gmc صديقك في الحل والترحال وراحة البال .
بارك الله فيك وعسى الناس يفهمون
عندنا افكار السبعينات عن تويوتا
ياناس الكامري 4 سلندر ب 84 الف ليششششششششششششششششششش
يمكن صاحبنا يبا يمول مشاريعه من جيوبنا
أصحاب العقول في راحه
الحل فيكم يالمواطنين …سووا مقاطعة مثل مقاطعه كارفور وربعه والجمعيات ..
لازم تكون مقاطعه رسيميه تنتشر اخبارها في النت عن طريق الايميلات …
والله ان الوكالة تعيسه جدا جدا ..عيل اريل كامري مافيه شي بدلوه لربيعي ب800 درهم ..بس قطعه الحديد ..والدرامات كل 20الف يبدلها ..
انا واحد من اللي امتلكو سيارة تويوتا ورغم انها غالية وايد الا انها سلق ومافيها مواصفات ومزعجة جدا ..والحمدلله ان تخلصت منها ..
الناس اللى حواليه دايم يشتكون من الفطيم وخدمته التعيسه وقطع الغيار اللى موجوده وتأخير استلام السيارة …
واستغرب فيه ناس ما خص بالسيارات ابدا ..يوم تسأله عن سيارة يجاوبك وكنه فاهم ..خذ لك تويوتا سيارة لك وللزمن ..سعرها مايطيح ..مافيها خرابات ..مال كرف ..
وفيه ناس للاسف يشترون تويوتا وبعدين يقول والله للاسف سيارتي سلق ..ياليت فيها كذا وكذا ..
اصلا تويوتا في انحدار مستمر وارتفاع صاروخي لاسعارها مدري ليش ..بس نصب من الوكيل ..
الحل ياجماعه هو بالسيارات البديلة والابتعاد عن تويوتا ترى والله في سيارات تكرف اكثر من تويوتا واسعارها ارخص ..وعلى فكرة قطع غيار تويوتا عمرها قصير جدا ..القطع المهمه تخترب بسرعه ولازم تتبدل البريكات اللى هي اهم شي للسلامه بوقت قصير مقارنة بالاستخدام
ولو حد فكر بسيارة من تويوتا عنده بديل قد يكون افضل بكثير
مثلا ياريس ……….بدالها تيدا
كورولا …………بدالها سيفيك لانسر فوكوس
كامري ……….بدالها اكورد التيما باسات
ايوريون …..بدالها اكورد اليتما انفينيتي
افالون …..بدالها كابرس
اف جي كروزر …..بدالها رانجلر واكس تييرا وهمر
برادو …..بدالها باجيرو واكبسلورر
لاند كروزر ……..بدالها باترول وتاهو يوكن وارمادا
وهناك الكثير الذي لم اذكره ولكن في النهاية القرار يرجع للمواطنين ويجب علينا البدء بالمقاطعه والاتجاه للموديلات البدلية وجعل المقاطعة تنتشر بين الناس
الجماعه شبعو وقامو يتبطرون
وفعلا للاسف انهم اسوء وكاله من ناحية خدمة العملاء
لو الشباب يوقفون وقفه وحده ومايتساهلون في الاسعار والمعامله كان كل وكاله لزمت حدودها و عرفت قيمت الزبون وكيف تحافظ عليه