السلام عليكم ورحمة الله وبركاتة
الفطيم للسيارات الوكالة المعتمدة لدى الدولة في الامارات معاملتهم للزبون كأنة شحات يبقى منهم شي هنود لافيهم تقدير ولا احترام تضاربهم مضرابه لين ما يستلموا منك السيارة واذا استلموها احمد ربك ولاتتكلم وايد لانهم يقولون ——– خلاص راس مال انا خربان ————- واسعارهم غالية مقارنة بالوكالات الاخرى بريك كامري سفايف وخراطة درامات 1020 درهم ياريت جابر عبيد يعرف الموضوع ويحطة بث مباشر لا والادهى من ذلك اذا ماتعمل السرفس الضمان راح عليك كم السرفس 1000 درهم شويت اصلاحات تطلع من الوكالة 3000 درهم .

118 thoughts on “الفطيم للسيارات اسواء معاملة واغلى سعر”

  2. سبحان الله ………
    أنا الاسبوع اللي طاف سويت مشكلة مع واحد من الهنود اللي في الفطيم فرع دبي لأنه رفض يستلم السيارة. قالي عندي وايد شغل. قلت له غصبا عنك بتاخذ السيارة لأن عندي سيرفس كونتراكت، وبعد ما علييت صوتي واضاربت!! قبل يدخلها… لكن نقعني اسبوع، كل ما أتصل فيه يقول ترا انت جبرتني آخذها . قلت له يعني تنتقم مني!!! أنا براويك.
    بعدين يلست أدور على واسطة.. حد يعرف مدير أو حتى فراش عندهم… لقيت واحد من الربع قالي أنا أعرف مديرهم !! بتصل فيه و فالك طيب. لاكن لين اليوم مامحصل هال المدير… اظاهر انه سافر حق الكرسمس و ما رجع لين الحين (الله لا يعوده).
    في النهاية استلمت السيارة وأنا ساكت.(الصراحة وأنا طالع صيحت عليهم ويل من حررتي خخخخ )

  3. والله كلامك صحيح , أنا مرة شريت قطعة من الفطيم قيمتها حوالي 300 درهم , وحصلتها في محلات ثانية نفس القطعة بالضبط بحوالي 100 درهم , واللي يقهرك أكثر أن الموظف في الفطيم اتصل لي بعد ساعة يطلب مني مبلغ ( بقشيش ) علشان سوى أوردر (طلبية ) لهذي القطعة من دبي .

    وبعدين أخوي أكثر الكراجات في هذا الوقت صار عملها نفس عمل الوكالات في الأداء شوية تقنيين وقطع كمبيوتر .
    بس أنت تقدر تشتري قطع الغيار من الفطيم , ولو كان من وكالة بهوان راح يكون أفضل ولكن يقولون أن بعض القطع اللي عندهم فئة ثانية نفس السفايف.
    وطبعا أسعارهم أفضل بكثير من الفطيم , وخلى التركيب على الكراجات الثانية .

    في أمان الله .

  5. انا موتريه يتم عندهم يومين حق كل سيرفس !!! ولازم استأجر من عندهم (هيرتز) ..

    الموتر يديد بس والله عفته منهم ..

    السبوع لي خطف طلعت موتر من عند الطاير .. شكلهم ارحم .. حد يعرف عن فرعهم لي فالشارجه ؟ شو السيرفس؟

Comments are closed.