إخواني
السلام عليكم و رحمة الله و بركاته
بأريد أعرف رأي اهل الخبرة في موضوع مثير للشك وايد و هو كيف أعرف اذا كان السيارة فعلا ماشية الرقم الموجود بالعداد …. يعني الاقي سيارة موديل 2001 ماشية 60 الف فقط!!!
يعني كل سنة لين 2009 ماشية اقل من 10 الف كيلومتر في السنة!!
انا طبعا بأحسن الظن بالناس لكن للاسف الشين زاد على الزين في هذا الزمان و خصوصا لما بتشتري من معرض مع احترامي لاصحاب المعارض و هم من اهلنا و احبائنا الا القلة اللي اسأل الله عز و جل ان يهدينا و يهديهم، لكن تلاقي اغلب سيارتهم ماشاء الله تبارك الله حتى لو موديل 1972 تلاقيها ماشية اقل من 50 الف 
ما أدري وين كانت طول هي السنين.
الاخطر لما تشتري سيارة حديثة نوعا ما مثل 2007 أو 2006 و ممكن تكون ماشية مثلا 120000 و يغشوا العداد و يسوه 25 الف بس فتنخدع و تشتريها.
فياليت اهل الخبرة و الامانة يخبرونا كيف نتأكد من عداد السيارة اذا كان صحيح عسى الله ان يكفينا و يكفيكم شر النصابين.
السلام عليكم
الغالي يت على العداد بس ….
فيه ريال اشترى سيارة وارد ومب ماشية وااايد
وسار الفحص وقالو ان السيارة اوكية وسجلها
بعد فترة اخترب الفيول بمب مال البترول ويكون
مكانه تحت الكرسي الخلفي للسيارة
شلو الكراسي وعدلو البيبات واكتشفوا شي ..
تعرف شوووو ان السيارة ملحومه يعني يا انها كانت
نصين او كان فيها حادث قوي وامصلحه وهو
قبل ما يشتريها طرش وسيط يفحص وخذ رقم الشاصي وقال له ان السيارة الحمدالله ما فيها شي
ياريال فيه ناس ما تخاف الله
والله يعين الجميع وانا بنفسي شفت السيارة
ياكثر إلي يردون الكيلو متر ….
نصهم يرجعون الكيلو عسبت مايخلص ضمان السيارة ….
ونص الثاني يرجعه حق البيع …
الله يهديهم
صحيح كلامك ياخوي
واذا فكرت تاخذ سياره فالحسن تاخذها من معرض
معروف ومضمون ولكل يمدحه يعني مش اي معرض
وبوفيق ان شاء الله
أشكرك على مرورك يا أختي و جزاك الله كل خير
أدري طبعا ان في سيارات ما ماشية وايد و لما بتشترين السيارة من ناس بتعرفيهم ما يكون في مشكلة لكن المشكلة لما تشترين السيارة من ناس ما تعرفيهم و خصوصا المعارض لأني شخصيا كنت ادور على سيارة في العوير، لاقيت سيارات عدادها 35 الف و موديل 2006 لكن شكلها و حالتها و خصوصا من الداخل لا يمكن ابدا انها تكون ماشية بس 35 الف
ان شاء الله الاخوان ماراح يقصرون ويفيدونا
بهذي المعلومات بس في ناس بصراحه ماتكون
سيارتهم ماشي يعني تلاقي شخص عنده 4
ولا 5 سيارات يعني نحن عندنا سياره فالبيت ابد
مانستخدمها 1999 للحين يمكن مامشت وايد ولما
بغينا نبيعها ستغربو ان سياره مش ماشيه وايد
ف الي ابغي اقوله يعني في ناس تبيع سيارات
مش مستخدمه وايد ولا مستعمله وفي ناس لا
بالعكس مثل ما قلت ياخوي لكن ماعتقد في طريقه
تعرف بس مره شفت في منتدي كاتبين موضوع
بخصوص جهاز يفحص سياره عساس يبين لك
العداد بظبط كان كم بس يمكن يكون صحيح ويمكن لا