السلام عليكم
اليوم تــم مخالفتي ع سبه اني مركب عازل حراري شفاف .. ماله لون ولا طعم ولا رائحه 
ابا اعرف على اي اساس يعتبرون العازل شامل !!
قلت للشرطي هذا عازل حراري (( شفاف )) قال منو قالك !!
يستهبل عليه !!
قلتله الشغله ما يبالها ذكاء .. اولا ماله لون لأنه شفاف ويخفف من اشعه الشمس الي تدخل السياره
واي شخص خارج السياره يقدر يشوف السائق ولي معاه فالسياره
قال لا .. هذا نعتبره شامل !!
…
3 سنوات وانا مركبه واكثر عن 50 مره خطفت من نقاط التفتيش .. ولا واحد قالي هذا مخالف للقانون !!
للعلم
هالشرطي قدام عيني ما خلى موتر ما وقفه على اتفه الاسباب خالفهم
حتى مخالف عيوز كبيره فالسنه وحليلها عصبت عليه وقالتله اكتب المخالفه
لو خالفني ع سبه حزام الامان مثلا .. بقول صحيح انا استاهل المخالفه .. لاكن على عازل حراري !!
اترك التعليق لكم
(( الشرطي خليجي ))
قسم بالله ايود الناس الواحد ورى الثاني
يود قبلي اثنين ويودني وعقب سوالي طاف ولحق سياره ثانيه
وقبل ما ايودني بربع ساعه كنت خاطف من حذالهم وشفته ميود كم سياره
يعني والله الشغله فيها تعمد واضح
لا والشرطي الثاني داخل الموتر يرمس بالتليفون .. يالس يرمس فالتليفون ويكتب المخالفات !!
ما اقول غير لا حول ولا قوه الى بالله
الناس بتلحقها من غلاء الاسعار ولا من مخالفات الشرطه !!
اماره ابوظبي يا طويل العمر (( المشرف ))
يبا يخلص الدفتر عشان يحصل اجازه 8 ساعات ولاشفت خخخخخخ
شرطه بوظبي يدورون اتفه الاشياء عشان يخالفونك….
اذكر اني مرمس شرطي قالي انه العازل الي فالدريشه الي جدام عليه مخالفه لانه يوم تضربه الشمس وحد يشوفه من ينب ماينشاف الي داخل السياره!!
ويبين جنه شامل…
ةالله يعينك اخويه
اماره ابوظبي (( امام جمعيه المشرف ))
ممكن نعرف وين كان التفتيش؟
على الأقل أي أماره؟