من يومين كناا معزومين عالفطور في احد المطاعم ..
و نحن طالعين مرينا نصلي في مسجد كان قريب ..
الحريم لي يروحن يصلن هناك !!
رايحين للصلاة .. و كل وحده تجادل الثانيه و شوي بيتصافعن !! عنبوه مكان طاهر و يذكر فيه اسم الله .. يروحوون يضاربن على اشيا تافهه ..!! استغربت من هالشي ..
.
المكان له حرمته … وله احترامه .. المفروض كل شي بالتفاهم .. هن كل وحده تصارخ عالثانيه و يعاندن بعض .. عشان شوو ؟؟ والله لي بتصلي و هي يالسه عكرسي لازم عصوب و وحده يابت الكرسي ويلست الصوب الثاني و قامو يضاربونها انزين خلاص مدام انها تبا تيلس في هالمكان الاماكن الثانيه حريم موجودات يعني تقريبا فل .. و هي تبا تيلس عند الحريم لي يايه وياهن .. صح انه المفروض يتفاهمن و يرتبن المكان بس مش بهالطريقه المفروض يكلمونها بهدوء ..
و كل وحده يايبه عيالها وياها .. و اليهال يلعبون !!! و اللي تحتشر ماتعرف تصلي والياهل قدامها ! احين امه يابته وخلاص كيف تبينها تيوده اذا انها تصلي !! و تم تجادل !
يعني الصراحه .. شي مخزي …
الله المستعان …..
والسموحه …
الحرمه اللي تبي تصلي في المسجد وعندها صغاريه قدامها حلين:
– يا انها تروح تصلي وتخلي الصغاريه عن الخادمه برا المسجد
او
– تصلي في بيتها وهذا ابرك لها.
المسجد له حرمته والمصلين يجب ان يشعروا بالهدوء حتى لا تفسد صلاتهم
الحرمه احسن الها اتصلي في بيتها
تستوي اختي دعيلهن الله يهديهن
وعليج بعمرج
لا حول ولا قوة الا بالله !
دومنا نصلي في المسايد ماشفت هالشي !!
عالعموم تسلمين ع الرد اختيه