السلام عليكم يااخواني
عندي موضوع وحاب انكم تشاركون برايكم وخبراتكم ومواقف مرت عليكم…
ألا وهو ان في شباب ياخذون سيايير يديدة .. ((ألف مبروك.. والله يعطيكم خيرها ويكفيكم شرها))
بس من يطلعها من الوكالة مايتهنا فيها ..ليش؟؟
1- تحصله اكياس الوكالة مول مايبطلها من الكراسي ..””خاصة اللي ماخذ سيارة جلد””
واذا انطرت الاكياس ولا شي راح محلات الزينة وبدلهن وركب يداد.
2- عنده موتر يديد والحمدلله “” زي الفل”” ويوم خاطره يروح مكان بعيد شوي قالك لا دخيلك ..السيارة بتمشي وايد..
3- الحبيب ماخذ سيارة فورويل”دفع رباعي” بس يخاف عالسيارة ومول مايطب الرملة ..ومحرم اهله مايدخل بها ولا يستانس فيها..
ألا وهو ان في شباب ياخذون سيايير يديدة .. ((ألف مبروك.. والله يعطيكم خيرها ويكفيكم شرها))
بس من يطلعها من الوكالة مايتهنا فيها ..ليش؟؟
1- تحصله اكياس الوكالة مول مايبطلها من الكراسي ..””خاصة اللي ماخذ سيارة جلد””
واذا انطرت الاكياس ولا شي راح محلات الزينة وبدلهن وركب يداد.
2- عنده موتر يديد والحمدلله “” زي الفل”” ويوم خاطره يروح مكان بعيد شوي قالك لا دخيلك ..السيارة بتمشي وايد..
3- الحبيب ماخذ سيارة فورويل”دفع رباعي” بس يخاف عالسيارة ومول مايطب الرملة ..ومحرم اهله مايدخل بها ولا يستانس فيها..
شو رايكم في هالنوعية من الناس؟؟
يالله همتكم نبا نسمع اراء وردود حلوة
الله يسامحك ياراعي الموضوع
خربت علينا
الحين كل اللي قرأ الموضوع بيروح يشل الاكياس وبيروح السعوديه فيها عن طريق الربع الخالي
وعقب بيي يبيعاها في الموقع
ولا بنقدر نشتريها من عند
بيقولنا انا انسان متهني في سيارتي مش زطي مثل ما قالوا
خخخخخخخخخخخخخخخخ
انا مره من المرات اشتريت سياره وكنت محافظ عليها لاقصى درجه …..على بالي يوم بحافظ عليها وببيعها بتيب قيمه عاليه ….
المهم سرت المعارض ببيعها … وكانت نضيفه وعلى قولتهم ريحت الوكاله ……تدرون شو رد الشرايه .. كانو يقولون اهم شي السياره موديل كم ؟؟؟.
يعني نسو النظافه وكل شي وكان سؤالهم بس على موديل السياره … شي يقهر صراحه وقمه الاحباط
ياريال الا هو حديد
فى وجهة نظري ان الي يسوي ها الحركات ويبركن موترة اخر الدنيا ويمشي مسافة طويلة ويوم اتي تسأله ليش مادخلت بموترك يقولك الموتر مغسول ,,,, يعني الموتر مابيرد يخيس خلااااص بيتم نظيف ,,
اعتقد ان هاي الفئه من الناس زطوط ومب شايفين خير
وفى نفس الوقت مب معناتها اني اكسر الموتر تكسير واناقز على البونيت
الخلاصة ان مرده بيروح بي غيرة
والموضوع فى قمة الرووووعة والمشاركات اروووع
طبعا هاي وجهة نظر والسموحة من الجميع
عيل انا عندي الاقوى انا اعرف واحد عنده بي ام اكس 6 مطلعنها من سنه لين اليوم ماشيه 3000 شورايكم يقول مابغيها تمشي وايد و يغسلها في اليوم مرتين مره في المحطه و مره فالبيت صدق ولد فقر
خخخخخخخخخخخخخخ
شو موضوع زين والا موزين!!!!!!كل واحد وحر بسيارته يخللها !!!!!يكسرها !!!!!!يركب له جنحان !!!يخليها غواصه
كلا حر بسيارته وفلووووسه انتوا شوووووووو حارنكم
احم احم احم ,,,,السمووووحه خذني الحماس شوي
موضوعكم حلوا للقرض بالناس
ستر داي ,,سترداي
يعني استمروا استمروا بالحش 
انا عن نفسي شاري بانا ميرا توربو بيضاء 2010 !!!وتعرفون كم ماشيه ؟؟؟؟؟ اخاف تضربوني
325 KLM فقط
ما عندي وقت اسوقها ,,,يا مسافر او بسيارة الشغل بالاضافه الى امتلاكي لسيارات اخري للمدابج والتشحيف و التفحيص