السلام عليكم ورحمة الله وبركاته …
أود أن أطرح بعض الاسئلة وأرجو أن أجد الردود الجدية من قبلكم و أرجو كذلك مشاركة الجنس اللطيف معنا …
ما هي الاسباب التي أدت من بعض الرجال من تعدد الزوجات و بالاخص الزوجة الثانية ؟
هل هي :
– كثرة المال وحب التغيير .
-وراثي.
-مشاكل الزوجة الاولى .
-دعم وطني من الرجال لمناصرة العوانس .
-إحياء لسنة النبي صلى الله عليه وسلم .
– نفسي و سيكالوجي .
-أو أن الاصل في الزواج من الثانية هو الزواج الحقيقي كما ورد في القرآن الكريم في بداية السورة بــ (أنكحوا ما طاب لكم من النساء مثنى ).
– ام هي أسباب أخرى لا نعلمها ، يرجى المشاركة ولكم مني جزيل الشكر.
تحياتي/
أبو منصور
اختي ليش زعلتي هناك مليون سبب وانا قلت سبب واحد وانا ما اقصد شي
لكن واقع واعتقد انه شبابنا فيهم الخير والبركه وحتي انتوا بعد فيكم الخير
اخوي ..
يعني الزوجة الثانية ما بتيب عيال .. وتنسى نفسها .. يعني كل ما الوحده نست نفسها شوي الريال عرس عليها .. مب رمسه ..
عيل هالريال ما عنده شغله كل ما حرمته ربت سار عرس ..
الرجل ما يعرف كيف الحمل ولا يحس باعراضة وبعد ذلك ما يعرف لما تربي الحرمة كيف تكون تعبانه على هذا تسهر وتتعب وتتحمل كل شي لين ما هالطفل يكبر جدام عينها .. يعني مب من العدل ان هي تربي عياله .. وهو يبا بس راحته … ليش ما يساعدها في تربية الطفل … ليش السلبية ..
انت ترمس ع الاماراتية انها تنسى نفسها .. وانا اقولك ليش الوافد والاجنبي يساعد حرمته ويوقف معاها ويسهر مع الطفل اذا هي تعبانه ..
لا تقارن لانكم بتخسرون مافي شباب فيهم كسل شرات الاماراتيين يبون كل شي ع الجاهز.
لو تتكلمون عن مجتمع دوله الامارات وبصراحه البنت عندنا بعد ماتتزوج والله يرزقها بالابناء تنسى نفسها وتنسى زوجها وماتصحى الا بعد تحصل كف على وجها ويكون الزوجه الثانيه وانا ما اقصد الكل ولكن احد الاسباب
بصراحة ….. صدق انه عندج الروح الوطنية واشكرج على هذه الجراءة و أنا معاج واعتقد انج اخترتي فقرة الدعم الوطني لحل ازمة العنوسة ..
اشكرج على التجاوب والله يكثر من امثالج