السلام عليكم

شحالكم

موضوعي اليوم يرمس عن قضية تهم كل شاب وهو الزواج ,وبدون شك العائق الكبير الذي يواجهه البعض هو غلاء المهور والتكاليف العالية من سكن اذاث وزهبة وطبعا الديون ,, فراح البعض ممن لا يخاف الله وسار يرابع بنات ويعيش معهم عيشة الازواج ويفضلها على بنت البلاد وتأثر بجمالها على حساب دينها اللي هو اول شيء لازم يفكر فيه ,, في الغرب هناك المئات وربما الالاف من الفتيات اللي اسلموا وتموا في بلاد الغرب بروحهم , واذكر واحد من الشباب سار فلندا ويوم كان في المسيد شاف فلنديات ييوا المسيد يسألون اذا حد يبا يتقدم لهم ,, الموضوع مب موضوع جنس او حب او ما شابه , الموضوع فكرة اتمنى مناقشتها بدون تعصب او حساسية ,, هل فتح مكتب زواج بالتعاون مع المراكز الاسلاميةللمسلمين الجدد في الخارج ومب (شرط اروربا ) للراغبين بالزواج منهم في الدولة بيقلل من العزوبية وخصوصا انه مهورهم مب بذاك الزود وهل هذا بياثر على نسبة العنوسة في الدولة ؟ ……… توضيح غرضي الحقيقي انه اللي يخاف على عمره من الزنا لكثرة الفتن يكون عنده حل يناسبه

39 thoughts on “}}}}} الزواج من اروبيات مسلمات {{{{{”

  2. والله يا اخوي وبكل صراحة اللي ياخذله وحدة بالحلال اخير عن اللي يتعرف على وحدة ويعيش معها بالحرام ,, وانا شعاري حلاة الشيء رقعته منه وفيه يعني بنت البلاد اولى 1000% ,, لكن كلامي فقط عن الفئة اللي تحتاج وقت طويل الين ما تاسس ميزانيتها ,, واتمنى انه الموضوع ما ينفهم غلط او حد يعتقد انه ما عندي نخوة ^__^

    يا خوى انا اشوف فيه كثير بنات هنا ما يطلبون وايد مهر و من عوايل و تريد تشترى الريال ولد الاصول لكن خلك من بعض الفئات الانتهازية و الحالمة

  3. والله ياخويه في مواطنات وبنات البلاد اللي يبن الستر واهلهم مايطلبون شي

    وصدقني الواحد اذا دور بيلاقي الكثير الكثير

    واما اللي عذره والله يطلبون ويسون وهالامور اللي مالها معنى اقوله هذا الاول

    اما الحين صدقني اذا دور بيلقى

    وشوف الردود اذا كانت ما تايدني ولا لاء

    والله المستعان

  4. مرحبا اخوي فارس
    انا معك في كلامك ب100%

    لكن انا اقصد شيء واحد ,, الواقعية ,, شيء شباب شفتهم يسافرون برع البلاد وخصوصا شرق اسيا حق ال(****) ,, بيرد لنا خربان وصايع ويمكن مريض ,, قصدي هو اتاحة بديل حلال ومغري للشباب حتى يحصنهم عن الفتن هذا القصد والا انا احب واتمنى انه نسبة العنوسة تكون صفرررر لكن المناظر اللي اشوفها من شباب يسيرون ويا فليبنيات ولا م*ربيات هذه المناظر اتمنى انها تختفي ,, واتمنى انه اللي عنده حل يفيدنا ^___^

    عيل عنده فلوس يسافر ويلعب ما عنده فلوس يدفع مهر سبعين ألف

    عنده فلوس يخسر على الحرام وين تبغي ربي يوفقه

    وبعدين الاجنبيات مب من جمالهن الفتان

    بنت الامارات احلى واحرص عليه وعلى ماله وعياله

    غير عياله بيظهرون شقر او عيونهم فلبينيه و اسمه حمدان و سلطان و غيره

  5. لى صديق تزوج روسية مسلمة ( شيشانية ) و للاسف طلع الموضوع كله نصب فى طمع

    اصلا الاجانب ينظرون الى العرب نظرة طمع و جوع يريدون فقط الفلوووس و المظاهر و مب مشكلة اذا كانت هى جميلة و تتزوج واحد ما عنده شكل لكن المهم كم يملك حساب فى البنك


    والله يا اخوي وبكل صراحة اللي ياخذله وحدة بالحلال اخير عن اللي يتعرف على وحدة ويعيش معها بالحرام ,, وانا شعاري حلاة الشيء رقعته منه وفيه يعني بنت البلاد اولى 1000% ,, لكن كلامي فقط عن الفئة اللي تحتاج وقت طويل الين ما تاسس ميزانيتها ,, واتمنى انه الموضوع ما ينفهم غلط او حد يعتقد انه ما عندي نخوة ^__^

Comments are closed.