الزواج من أجنبيات ( غير المواطنات ) .. نقااآآآش

79 thoughts on “الزواج من أجنبيات ( غير المواطنات ) .. نقااآآآش”

1. الله يصلحكم ويهديكم اخواني
   بنت الدار احلى بوايد من الأجنبية بس لو اتكون على طبيعتها الربانية بدون ما تلطخ ويهها بهالمكياااج والكلام الفاضي
   وتم بنت عرب فيها الحشمه الزينه والحياء والأيمان صدقوني البعض من بنات الدار شوهن بصورتهن قدام الشباب الذي
   يبحث على بنت تستره ويسترها ويبغي الحشمه والتي في هالزمن انعدمت الا من رحم ربي هذا رأيي اختي ومن واقع تجربه
   وياريت اختي دامج منزله موضوع للنقاش نتطرق لحل للمشكلة مو داخلين بحرب من البداية وتعيبون على بعض
   وتخلون الغريب يتفرج عليكم ويشمت فيكم المفروض اتشوفون أين تكمن القضية التي طرحت من قبل الأخت لكي نطلع بالنهاية بحلول جذريه وتفيد الطرفين ..
   والسموحه على هالطوله اخواني ..

2. المواطن عبالة الاجنبية معجبة في حلاته,,اذا كان فيه حلى اصلا..خخخ الصراحة ولا عمري شفت مواطن شكلة مقبول.. لاتعصبون الصراحة راحة.. الا ما ندر يعني فئة قليلة جدا يمكن 5%

   اصحى يا عم ..الاجنبية ما تبا غير الجنسية والبيزات..

   ههههههههه

   للعلم

   في بنات وايدات يبون يتزوجون اجانب..طبعا لانهم احلى وارقى وعندهم اتيكيت خاصة اللبنانيين لول

   بس اهني العوايل الاماراتية متشددة ما تسمح للبنت بالزواج باجنبي الا فئة قليلة..

   واللي يقول ركب الاجنبيات بيض..ليش انت شايف ركب البنات احينه عشان تحكم..يعني ركبكم اللي تلق احينه خخخخخخ

   والواثق في جماله يمشي ملكــا ,,,,غيرت الجملة ترا,,

3. بختصار

   الاجنبية اختيار الشخص

   ياخذها وهو مقتنع فيهاا

   ام

   المواطنه اختيار امه او حد من العائله

   ويتمو يزنون عراسه البنت والبنت واخرتهاا تطلع عكس التوقعات الي انذكرت قبل العرس

4. ليش اغلب المواطنين ياخذون اجانب ….؟؟

   الاجنبيات ركبهم بيضا ومافيهم عمليات تجميل ومايسون مكياج كثير يكون جمال رباني مب شرات المواطنات بمكياج حلوه بدون مكياج دركولا خخ

   شو الفرق بين المواطنه و الاجنبيه ..؟؟

   الاجنبيه تبي الستر وتبي تعيش بالطريق اللي يرسمه زوجها
   اما المواطنه تبي تشتغل وتبي تسوق سياره وتبي وتبي وتبي وتبي وفالنهايه الزوج ييه سكري وظغط واعاقه مخيه والسبب الزوجه

   ليش يحق للمواطن انه ياخذ اجنبيه لكن ما يحق للمواطنه انه تاخذ اجنبي ..؟؟

   بالعكس يحق للمواطنه انها تاخذ اجنبي بس اكثر الاجانب هالايام مايدورون مواطنه مفلسه او ماتشتغل يدورون مواطنه لمصالح ماليه ودنيويه وماتلاحظين ان اكثر اللي يتزوجون مواطنات يتمون فالامارات مايسيرون بلادهم

   كيف ممكن انقلل من هالشئ ..؟؟

   انقلل من هالشي بطلب مهور معقوله وشروط معقوله
   مب من يي الواحد يبي يتزوج خذوه فغلوه وطلبات لا لها اول ولا تالي وفالنهايه الريال يتزوج بس يعيش حياه كلها ديون فديون

   والسموووووووووحه

5. السلام عليكم ورحمة الله وبركاته

   الحمدلله والصلاة والسلام على رسول الله وعلى آله وصحبه أجمعين

   شكرا اختي فراولينا ع الموضوع الهادف واتمنى انه ماياخذ منحنى اخر عند البنات والشباب

   في عوامل كثيره تخلي المواطن ياخذ اجنبيه .. واهمها

   وترا الكلام لا يشمل الا الفئه المعنيه في الموضوع^^

   1- غلاء المهور وكثرة متطلبات اهل العروس او العروس نفسها .. (( يعني ماتبا مهر 10 الاف وتبا مهر 100 الف .. لأن ماتقدر تجهز نفسها .. وشو التجهيز لازم يكون كل شي ماركه ولازم تشتري طقم ذهب ولازم فستان عرس ولازم ولازم ولازم .. وكل هالامور عباره عن مظاهر لا اكثر ينسونها الناس بعد اول ليله من العرس ..

   2- اصبحت البنات الحين تتغنى وتقلد الاجانب في كل شي وحتى للاسف في مظهرها العام يعني في شو صارت المواطنه احسن من الاجنبيه (( والاسواق تشهد ع كلامي)) اخص الفئه المعنيه ماعمم

   3- تدخل الاهل في هالمواضيع يعني اذا الولد يشتغل وراتبه مابين 10 الى 20 الف وهذا نقدر نقول متوسط الرواتب عندنا .. في ظل الغلاء الفاحش اللي احنا عايشينه شو بيقدر يسوي من كل هالامور المطلوبه من بيت ومهر وصاله وزهبه .. الخ الخ وكل يوم الاهل يطلبون شي اول يتفقون على المهر 100 الف وعقب شهر يكلمون الولد يقولون له هات 10 ترا نقصنا .. وعقب اسبوع هات 20 ترا نقصنا .. وقبل العرس هات 10 ترا نقصنا .. كل هلامور تأثر ترا وحاصله وايد

   السموحه منكم بظهر ولا كنت بكمل ^^ شكرا لج ختي واتمنى رايي مايضايق حد

Comments are closed.