السلام عليكم أخواني وأخواتي …
بعد التحية جتني إصابة في الركبة يوم كنت ألعب كرة … وماصار تورم فيها الا بعد يومين او يوم ونص .. تورم خفيف … والحمدلله … سويت صورة اكس ري ومابين شي معاي … وبعدها سويت صورة ام ار اي في المستشفى الامريكي … والظاهر انهم استعجلو في الصورة لان ركبتي مازالت مورمة شوي .. المهم قالولي نشتبه في اصابة الرباط الصليبي الامامي acl ولازم تسوي عملية … طبعا كلكم تعرفون ان المستشفى الامريكي فيه سميح الطرابيشي .. وانا بس سمعت عنه وعن شهرته … انتو شو رايكم فيه الدكتور … هل تنصحوني اسوي العملية عنده ؟؟
لمعلوماتكم .. اقدر اثني الركبة ولكن مب كامل … يعني ما ادري اذا الرباط فعلا منقطع عندي ولا متمزق …
رحت عند دكتور ثاني … قالي عمرك الحين حوالي 30 .. هل الرياضة مهمة في حياتك … قلت له لا … قالي ماتحتاج عملية بإذن الله … بس بتمارس حياتك عادي ولاكن ماتقدر تركظ او تلعب كرة
وشاف الصورة وقالي عندك انقطاع في الرباط … ما ادري شو رايكم في أراء الدكاترة … وشو رايكم في العملية مع الدكتور سميح الطرابيشي …
وكيف بإمكاني اعرف هل فعلا الرباط منقطع او متمزق …..؟؟ ياريت تفيدوني وتساعدوني
صار للأصابة حوالي شهر … ومازال هناط تورم خفيف … واستطيع الحين ثني الركبة احسن من قبل …
اتمنى اشوف ردود طيبة … واذا حد مسوي نفس العملية يخبرني عن تجربته … وياريت تقولون لي رايكم في الدكتور الطرابيشي
تحياتي
خذ وياك كل شي من فحوصات واشعه
لان الرنين المغناطيسي اذا بتسويه مره ثانيه يمكن يكلف 1800
وفى نفس البرج شي المركز الدولي للاشعه ومستواه 10 على 10 كل الفحوصات وانواع الاشعه موجوده عندهم وان شاءالله ماتحتاج شي
تسلم مرة ثانية … سبحان الله نفس معاناتي والله … ويوم قاعت تقول قصتك احسك تقول قصتي بعد … بس الحمدلله يارب … عسى الله يجلعها بسيطة وما احتاج عملية دعواتكم …. وانشاء الله بسير عنده … هل لازم اودي الصورة عنده صور الاشعة المغناطيسية الام ار اي ولا مافي داعي ….؟؟ ومشكور يالغالي مرة ثانية
مافيك الى العافيه ان شاءالله
انا يوم سرتله كنت ماد البوز شبرين ورايح عنده على كرسي متحرك ومتحطم والدكاتره الي مريت عليهم حطموني زياده ,,وعلى فكرة كانت وارمه الركبه وايد وماروم احركها شبر
وكانت عندي دورة عسكرية بعد اسبوعين ونفسيتي متحطمه
بس والله يوم طلعت من عنده بعد ماكشف علي كنت مرتاح وطمني
يأخي اسلوبه راااقي جدا واتخيل انه تم وياي يوم طلعت برع العياده ووصلني عند المصعد
وانت قوله انك ماتبا العمليه وان هل العلاج الطبيعي يفيد,,,لاني سويت جلسات علاج طبيعي عنده بأجهزه موجات وغيرها
وقالي عن تمارين كنت اسويها فى البيت
الله يشفيك وانا حاس فيك لاني مريت بنفس الموقف وروح عنده وشوف شو بيقولك
وماتشوف شر
تسلم يالغالي … وانشاء الله بخبرك ويا رب مايكون فيني قطع ولا شيء … لاني يوم قاعد اصلي وادعي ربي احس اني مافيني قطع … ودائما يراودني شعور ان مافيني قطع بس يمكن تمزقات … بارك الله فيك كلامك ريحني وانشاء الله بشوف الدكتور وراح امر عليه واخذ رقمه … وتسلم يالغالي على الكلام الطيب … بارك الله فيك
ادعو الله العظيم رب العرش العظيم اني يشفيني ويشفي جميع المسلمين
آمين يارب العالمين
تحياتي لك يالغالي ومشكور على الرد الطيب
نصيحه لك ياخوي لاتضيع نفسك واتسوي عمليه بسرعه
اول شي اتأكد
انا عندي ضربات من راسي حتى اريولي وتمزقات وكل شي
بس الحمدلله وبفضل من رب العالمين احسن من الناس الي مافيهم شي وبلعكس انا كل الرياضات امارسها منها العديد من الفنون القتاليه ومدرب غوص وانقاذ واسعافات وبالاضافه لممارسة العديد من الهوايات منها الجري والكره والسباحه
غير عملي الي يطلب مشقه وتعب ومجهود بدني وذهني
اهم شي انك ماتوقف الرياضه ولاكن الي ماتضرك
وانصحك انك اتراجع الدكتور رعد القيسي فى الشارجه على البحيره وعيادته فى ابراج الكريستال بلازا
ها الدكتور عالجني من اكثر من تمزق بدون لاعمليه ولا خرابيط وكنت ساير قبلها لمستشفى الامريكي وقالولي لازم عمليه ونفس الكلام فى القاسمي والايراني
ولاكن الحمدلله بدون عمليه
وماشاءالله والله يديم الصحه والعافيه علينا جميعا
خذ رقمه من البداله وبتدعيلي
وخبرنه شو بيستوي وياك