شو سالفتهن؟؟
مب كفايه الرادارت الثابته في البلاد؟؟
والله حاله .. بنقول يخشونها ورا سياره ولا عمود ليت .. بس مب ورا الحاجز مال عمال الشوارع …
ولا تمشي 100 في شارع 80 .. 700 درهم .. انا مستغرب من ال 200 ولا 100 درهم هاي لل 10 كم.س
ماصارت يعني .. 4 رادارت عادي مصكوك 3000 درهم.. شو ها؟؟ بنقول فوق سرعه الرادار ب 50 اب 700..
مب 10 ولا 20 ..
مرات الشوارع خاليه.. شو المانع تمشي 100 ولا 110؟؟ ليش لهلدرجه مسرع؟؟
ابصط مثل شارع الورقاء .. دومه خالي .. حاطين رادار 90 ..
يفكونا ويسون ضرائب ولا يصرقونا جي .. مب حاله..
انا مب مشكله عندي البيزات بس حرام يعني .. الهندي مثل شو يسوي اذا زخه رادار؟؟ وراتبه ما ايي 2000؟؟؟
وانا أقول.. وانت بعد ..
أخــويه..
طــب عنك هـ الرمسه اللي لاتودي ولا تييب..
يجب التقيد بالسرعه القانونية
واللي ما يتقيد ذنبه على جنبه
وحريتك تنتهي حين تبدأ حرية الآخرين
وفي التأني السلامه و في العجله الندامه
انا عندي سؤال واحد ,,,الكل يالس يعترف انه مخالف ويالس يعترض
ومحد يجبركم انكم تسرعون والي مب عايبنه لايسوق وخله يركب تاكسي
عندكم الاخ الي حاط مخفي زيرو زيرو من جدام ويقول اونه عن الحرارة وماعرف شو ,,,حبيبي القانون واضح والمخالفة الي حصلت عليها سليمه اميه بلميه والمفروض انك اتشل سامانك وتخلي الكرين يودي موترك الشبك لانك حاط شامل,,
وبصراحة احلى شي فى بنود المخالفات البند رقم واحد ورقم اثنين
التسابق على الطريق 2000 12 نقطه 30 يوم حجز
ومع تشديد المخالفة اتشوف نفسك وانت تتمشى على البحيرة واحد ياشرلك اونه يباك تترايس؟؟؟؟؟
وبعدين عيب عليكم تستهزؤن برجال الامن ووين المراقبين عن هاي المواضيع؟؟؟؟
والي يشوف نفسه مظلوم يسير ادارة المرور ويشتكي ولاكن انا اعرف محد بيسير لان نصكم مخفيه زيادة واذا سار واشتكى على المخالفة شو بيقول ؟
ومنكم الي يترايس هو وربيعه ويتحره ماشي قانون واذا سار يشتكي بيقول حق الضابط والله كنت اجرب موتري يمشي ولا تعبان,,,!!
والله عيب عليكم
والاخ بوسعيد ماعرفنالك مرة يمين ومرة يسار
مرة اتحط على شرطة دبي ومرة تقول الشارع ملك من املاك الدولة!!!!!!!!!!!!!!!!!!
وبعدين ان شالله الافراد ينتشرون فى كل مكان ويخالفون المخالفين كلهم وخصوصن المخفي والتنزيل والزنون والهدرز والتسابق والاستيكرات والقيادة بطيش وتهور…
فى الختام لايسعني الا ان اشكر جهود رجال الامن وجميع ادارات الشرطة على مستوى الدولة وعلى راسهم سيدي الفريق سمو الشيخ سيف بن زايد ال نهيان على العمل المخلص والحفاظ على الامن والامان
والسموحة منكم
احليله! هذا .. لو واحد من الطايشيين مانتبه له .. ودعمه !
شـو بيســـــــوي… لا وعاطي ظهره للعمود ..
وعاد الشباب هب مقصريـــن.. ماتمـ عمود على الخط ما دعموه .. يخلون السيح ويصفوق العمود .. بس عسب يقولون انهمـ كنسلواالموتـــــــــر..
هههههههههههههههههههههه