السلام عليكم و رحمة الله و بركاته
هذا الموضوع في بالي من كذا يوم و حبيت اسمع مشاركاتكم فيه :-
الدوله تطمح الى رفع عدد السكان، طبعا يتم رفع هذا العدد من خلال تدفق و فود الأجانب الى الدوله ( كل من هب و دب) .
هل تتوقعون ان هذا الشيء بيرفع من أقتصاد الدوله !!!
و خصيصا عقب المصايب اللي قايمه تكثر في الامارات من دور الدعاره ، اغتصاب المراهق الفرنسي و غيره و غيره من بلاوي في مراكز الشرطة !!
ليش الدوله ماتزيد من جهودها في حث المواطنين ع الأنجاب بدل 2 و 4 يكون 8 و 10 و تساعد هذا المواطن من ناحية ماديه!!
محد بيشل اسم البلاد و لا بيدافع عنها الا عيال البلاد والا الباجين باجر من يصير شيء كل واحد بيركب طيارة بلاده و بيسافر !!!
تحياتي
الشعالي
انشالله انا بحاول اضفي شوية ثقافة هنديه وفلبينية على عيالي فالمستقبل .. عشان يقدرون يسايرون الثقافه السايدة ف الدولة وخصوصا دبي وقريبا ابوظبي .
زمان انك تنجب 8 او 10 عيال راح خلاص، احين ريال وحرمته مب قادرين يعيشون ويصرفون بالقطارة مثل مايقولون وين اذا عنده عيال، هو بيكد ع الإيجار ولا السيارة ولا ع الديون ولا على حرمتة طبعا اذا حرمته تشتغل بتساعده شوي. والاسعار كل يوم فوق فوق.
الله يرحمك يا زايد
أي دعم أي خرابيط
علاوة العيال 600 درهم هذا ثمن بامبرز
علاوة المدارس شالوها
السكن بالايجار
الراتب على سلفية العرس
والله ثم والله لو الحرمه والريال يشتغلو ليل ونهار ما راح يقدروا يفرو سكن لأن الغلا في العلالي
تعال وسولك مشروع صغير بتحصل الدعم صح بس بتحصل الحرب قايمه عليك من الجاليه الآسيويه روح اعرض إلي عندك على الدوائر الحكوميه بيقولك لا نحن نتعامل مه واحد ومرتاحين منه انزين أنا أرخص ونفس الكواليتي ما شي فايده
ما قول غير الله يرحمك يا زايد
وانا أأيدك بهذي الشغلة وياريت يساعدونا في تعدد الزوجات أسميه الأنتاج بيزيد وانا اخوك .