السلام عليكم ورحمة الله وبركاته ..
بمناسبة قرب موسم الإجازات ، وصلتني دفعة جديدة من براقع او اقنعة سيارات الدفع الرباعي من طراز
شفورليه تاهو
جمس يوكن
البراقع مصنوعة من مواد قوية وواردة مباشرة من امريكا وقد قمت باستخدام واحدة على سيارتي الخاصة خلال رحلة الى الدوحة في قطر .. التركيب لا يستغرق إلا دقائق معدودة ولا تحتاج الى خبرة او جهد كبير في عمل ذلك ..
المواصفات .. الصور توضح مدى مطابقة البرقع على السيارة وانها ليست كالتي يتم تفصيلها عند محلات الزينة في الدولة :
الشبك الأمامي يسمح بدخول حر للهواء الى غرفة المحرك بلا رمال أو حشرات ، يعني ريح نفسك من مشكلة الحشرات العالقة خلال فتحات الراديتور
التركيب :
لا يحتاج الى عناء .. فقط ارخي مثبتات غطاء حجرة الإطار الأمامي واوصل حلقات ربط القناع وانتهى الموضوع 
السعر شامل التوصيل للإمارات فقط .. لمعرفة السعر على الخاص ..
التجارب يازول تعلمك ..
وبعدين اللي داير يشتري يقدر يسجل .. كلها دقيقة وحده .. عِرِفته ؟!!
عموماً لله الحمد باقي 3 قطع 2 للتاهو ووحدة لليوكن .. وإن شاء الله تتنظر دفعة جديدة من اكسسوارات الكروم للسيارتين ..
زين ليش ما اتحط سعرك على العام ؟؟!!
يمكن حد مب مشترك فالمنتدى و يبى يعرف السعر ..
جيه ما تبى تستفييد ؟؟!!
و يمكن حد من داخل المنتدى كان بياخذه بس يوم قلت : اللي يبى السعر ايطرشلي على الخاص !! دقته عيازه مزوله ( جمع زول ) و الزول هو شخص يعيش فالسودان و يقول آآآآآآآي
الشبك اللي جدام هدفه السماح للهواء بالدخول .. الإسبوع اللي طاف سرت العمرة واستخدمته على التاهو .. صراحة ريحني من الفيري والطين .. وتريح بالك من الصخور اللي في الشارع ..
كنت خايف ان البرقع يظهر صوت الهوا لكن بالعكس القطعتين اللي تشوفهم جدام البونيت تعكس الهوا للأطراف وراح تحس براحة اكبر ..
اخوي ما يرفع حرارة السياره؟
لان احس مايدش هوا من جدام