يا بخت من جمع راسين بالحلال ….. الخطابه شخصيه اجتماعيه لها دور مهم في المجتمع ,, وافتقدنا لهذا الدور التقليدي لفتره طويله في مجتمعنا… واليوم عادت الروح لهذي الشخصيه على يد الخطابه ام سعود اللي من الشارجه واللي اشتهرت كثيرا في الفتره الاخيره ونجحت في التوفيق بين الكثير الزيجات الناجحه .. مبتغيه في ذلك وجه الله ومستفيده من كرم المعاريس…
هل تعتقد ان للخطابه دور مهم في حياتنا العصريه وفي ظل انفتاح المجتمع … وهل تؤيد الزواج عن طريق الخطابه…. وما هي ايجابيات وسلبيات الخطابه
وفي نفس الوقت سمعنا عن الخطابه ام راكان اللي من العين… هل حد يعرفها ..؟
اللي يعرفها ياريت يعطينا معلومات عنها وكيف طريقة التواصل معها
شوه خطابه بعد!!!
الي يبي يعرس ما يباله خطابه ….ما شاء الله البنات مكودات ….والاهل يقومون بالواجب
اذكر مره يات وحده بيتنا بس (مصريه) ما اعرف اذا ام راكان ………المهم ما اعرف منوه ناعتنها ع بيتنا …. الله يعلم شكلها كانت مغلطه في البيت …. >_<
شو تبا بالعرس ياخوك ؟
خذ سياره ابرك لك من صدعة الراس
خخخخخخخخخخخ
سوالف لا احد يصدق
الخطابة كان لها دور كبير قبل فترة زمنية ليست بالقصيره وكان دورها تجميع راسين بالحلال خاصه بأن مجتمعنا بالسابق يمنع خروج المرأة للعمل وحتى ان بعض القبائل كانت تحرم بناتها من اكمال الدراسه وحتى يومنا هذا بعض العائلات تمنع بناتها من اكمال الدراسه بعد الثانويه ويمنع عليهم العمل والخروج وقيادة السيارة والخروج مع الاهل وخلافه ولهالسبب من الصعب حتى على عيال عمهم يشوفونهم واهنيه يي دور الخطابه انها تشوف البنات وتحاول تحصل لهم الشخص المناسب ولكن دورها صار شبه معدوم بعصرنا الحالي لأن الشاب يقدر يحصل شريكة حياته بمختلف الطرق واذا كانت هناك خطابة موجوده غالبا يتكون عندها البنات الكبار بالسن اللي ما كان لهم نصيب في الزواج بسن مبكر
والسموحه
والله يمكن الاخوان يفيدونك
الله يزيد ويبارك في الخطابااات
اخي زارع الورد تحيه طيبة عطره
مشكلة الخاطبات ها الايام يزوجون سعيا للهدف المادي من ما كان يكون الرجال ومن ماكنت تكون الحرمه والمصيبه هنا يجي دور الغش والتدليس بمدح الخاطب للمخطوبه والعكس كل هذا مش احتسابا للاجر والرزق الحلال… لا سعيا ورى وصخ ها الدنيا.
لذلك اقول لأخواني وأخواتي انتبهو واسئلو ولا تعتمدون على كلام الخاطبه
اتمنى التوفيق للعروسين