الحياه حلوه الجزء الثاني

صبحكم الله بالخير صبايا و شباب

اكمل لكم الجزء الثاني

و لو ان في الجزء الاول ما اشوف حد تلحلح و سار البحر

و هذا رابط الجزء الاول للي فاته

في الجزء الثاني

اليكم يوم استمتاعي اخر

ما احلى ان الواحد يسير مطعم فنان و يترس كرشته بالاكل اللذيذ

و في حالتي وجبتي الموووفضله سبيشال مكس جريل << بنات المونتدى فاهمين السالفه لووول

بس اكتشافي اليديد ان قيصر عندهم نفس الاكله محتواها بس لحم مادري شو اسمها…لان دوم اخلص على اللحم و اخلي الدياي و الربيان << انسانه لحميه جدا لووول

عقب ما الواحد يترس كرشته و لا يروم يمشي حتى

ننطلق الى المساااااااااااااااااااااااج

نتمشى شوي عشان نهضم

و بعد ذلك

نستمتع بالاجواء الخلابه في السبا

و اخيرا الى رحلة المساج

طبعا مافي داعي اقولكم فوائد المساج للجسم و العقل خصوصا للناس اللي شراتنا اربع و عشرين ساعه مجابلين الكمبيوترات….عروق رقبتي كانت كلها منطره مسكينه الحرمه هلكت و هي تردهم مكانهم خخخخخخخخخ

الموهيم احب احط تحذير هنيه

خصوصا للشباب اذا تحبون تسون مساج تأكدو ان الي بيسوي المساج ريال لانه حرام حرمه غريبه تجيسكم و اظن تعرفون هالشي بس وايد يقولون الا هي مال المساج
شي ثاني الرجاء الابتعاد عن الاماكن المشبوهه للمساج و هي منتشره بكثره خصوصا الفنادق الرخيصه
اللي يحب يسوي مساج يدورله مكان محترم و بروفشنال..و يتأكد الف مره قبل ما يدخل يسلم عمره..و يستحسن يعرف منو صاحب المكان قبل لا يتعامل معاهم
و لا تنسون تسترون عماركم عدل

و طبعا لازم نمر على ربيعنا راع الكرك لوووول

و نتريا زامنا في الزحمه

و بعد ذلك يوصل راع الكرك و احلى سيرفس

و اخيرا ننهي يومناااااااا وين؟؟

اللي بيعرف هالصوره شو و وين بيكون ذكي لوووول

شفنا ربعنا سلمى و عمر

و الحياه حلوه

و انتظرووني في الحلقه القادمه