السلام عليكم
جماعة الخير بطاقتي قفلت (كنت العب برمز الحماية) والحين يعطيني يجب وضع رمز Puk والبطاقة عندي من 9 سنوات تقريبا والبطاقة كانو معطيني اياها هدية وماعرف شو اسوي . اتصلت في اتصالات قالولي لازم اطلع بدل فاقد او احصل البطاقة الكبيره اللي فيها ال Puk وانا البطاقة عندي من 9 سنوات والبطاقة الكبيره من خذتها فريتها واللي معطيني البطاقة ماقدر اوصل لهم . شو الحل ؟ 
بليز ابا حد يساعدني لانه البطاقة من 9 سنين عندي وماعرف شو اسوي !!!
سيري اتصاله الوصل وكلمي مسولتهم وان شاءالله اتسويلج
بس كيف ادخل عالمدير ووين مكانه ؟
مرحبا اختي شرات ماقالج الشرفي بيكتبونج على تعهد وبيعطونج الرقم والتعهد لو صاحب البطاقه طالب فيها يسحبون الرقم من عندج و اترومين اتحولين الرقم باسمج بعد ^_^
لاني مره استوالي جذي تقريبا والرقم يايني هديه المهم سرت عند المدير وخبرته السالفه حول الرقم باسمي وطلعلي بدل فاقد (( واسطه )) ^_^
تعتقد بيفيد ياخوي ؟؟؟؟؟ والله متحطمه رقمي كل حد يعرفه والمشكله الارقام عالبطاقة
سيري الاتصالات عندي المدير و خبريه الموضوع بس اهم شي يكون عندج البطاقه الصغيره دليل انج انتي تستخدمينه.. ويمكن تكتبين تعهد انه ما ايي صاحب الرقم وبشتكي