((( الجانب الــمــخــفــي للوافدين )))

39 thoughts on “((( الجانب الــمــخــفــي للوافدين )))”

1. السلام عليكم

   انا عندي اصدقاء وافدين محترمين ويحبون الامارات واهل الامارات

   وانا بصراحة ارتاح معاهم واحترمهم

   لي اصدقاء وافدين عرب يشتغلون في الديكور وبعضهم في كراجات تصليح السيارات وهم ما يقصرون معاي بصراحة

   وكلمة الحق تنقال فيهم ناس احسن من بعض المواطنين قسم بالله بالتعامل والاحترام والطيبة
   واذا قلت لهم انك بتسافر مثلا لبلدهم يوصون عليك ناس يستقبلونك في المطار ويوفرون لك السكن والسيارة والطلاعات ويتمنون انهم يسافرون معاك بعد علشان يقومون في الواجب

   في بعض الناس يقولون ان بعض الوافدين يستغلون المواطنين وينصبون عليهم وانا اقول والكل يعرف هذا الشي انه في مواطنين بعد غشاشين ونصابين يعني احنا مب احسن من الناس في كل مكان بالعالم فية الزين والشين

   مثال : انا شريت سيارة عن مواطن قالي ما فيها صبغ ولا دعمه بعد الفحص في الكراج طلعت السيارة مصبوغة ومسوي فيها حادث والايرباك خربان من الحادث على كلام راعي الكراج
   ولما قلتلة ياخوي الموتر فية كذا وكذا وانا ما ابغي الموتر قالي انا مالي خص انت شفت الموتر وشريت
   مب شغلي قلتلة زين نقص من السعر شوي علشان اصلح الموتر رفض
   وانا ماكنت معطنة المبلغ كامل بس عربون
   لما قلتلة انا ما بعطيك المبلغ راح اليوم المحكمة وشتكى على وسوى لي قضية لاول مرة في حياتي
   هذا وهو ولد البلاد ومن نفس المنطقة
   مع انه نفس الموضوع صار لي مع وافد ……. لما شريت عنة الموتر وماعجبني عقب الفحص ماقال شي وحليلة ورجعت الموتر قالي كل شي قسمة ونصيب والله .

   هذا وشكرا.

   .

   .

   .

   هلا أخوي جاسم

   مواقفك هذي أكبر دليل على ان المشكلة مو في جنسية الشخص

   ولكن في الشخص نفسه، سواء كان مواطن ولأ وافد، تلقى الزين و الشين في كل الناس

   تحية لك مني على تفكيرك الراقي

   شكرا لك

2. موضوع رائع جداً اخوي مصمم ازياء اماراتي .. والله اني احترمك واحترم كل الاخوان والاخوات في هذا المنتدى الطيب والراقي والي اجتمعنا فيه معكم

   وكلامكم كله على عيني وراسي .. صحيح انا كنت ملاحظ المواضيع الي ضد الوافدين .. وكنت مستغرب لاني ما شفت حسنه للوافدين وكلهم سيئات ( حسب ما اشوف في الموضوع ) وتحمدت ربي اني مب وافد عشان ما انحط في هالموقف ضمن الوافدين !

   انا يمني ( حضرمي ) اعشق تراب الامارات .. احب شعبها .. حكامها .. طبيعتها .. ارضها .. برغم اني لم ازورها .. ولكن حب الامارات في القلب .. ينبع من مواقف حكامها وشعبها حفظهم الله

   واتمنى ان تتاح لي الفرصة بزيارتها يوماً ما

   صحيح ان بعض الوافدين للاسف الشديد انهم يتغربون سواء في الامارات او اي دولة ثانية بقصد الكسب السريع او الثراء او الهروب من الواقع او ايجاد فرص دخل اكبر حتى لو كانت غير شرعيه

   لكن الحمدلله مثل مافيه هالنوع .. فيه النوع الثاني .. والي يكون موجود في الدولة لغرض العيش ومحبته للارض ( وهالنوع غالباً يكون مولود بالامارات ) لكن لا يعني ان من يأتي للامارات حديثاً يعتبر وافد سيئ

   صح انه ثمن الغربه الي بيتغربها العربي في اي دولة هو الطموح الى تحسين معيشته او الرجوع الى بلاده بأكثر قدر من الاموال لتضبيط احواله حسب ما يقولون بس هالشيء ما يعم ابداً

   والفئة الضاله للاسف الي تعمل حالياً على مضايقة المواطنين لا تمثل الوافدين جميعاً وانما فئة قليلة جداً ان شاء الله تتخلصون منهم في اقرب فرصة من خلال وقفهم عند حدهم قانونياً !

   الوافدين في اي دولة بس مب في الامارات فيهم الزين والشيء بس لازم من توعيتهم وتذكريهم بقوانين ونصوص الدولة ووووو

   عشان الواحد منهم يعمل لنفسه الف حساب قبل لا يسوي اي شيء يضايق غيره

   لأن من أمن العقوبة أساء الادب

   واسف طولت عليكم

   والله يجعل الامن والامان ودولة الامارات عامرة دوماً بالخير

   تحياتي لكم

   محب وعاشق الامارات

   .

   .

   .

   اخوي مازن

   انا استانس بتواجدك في مواضيعي
   وخصوصا لما تسهب في الكتابة ، هنيه اتأكد ان موضوعي نال اعجابك و استحسانك

   تحية من هنا لأهل اليمن الكرام

   و كفاكم فخراً ما قاله الرسول – صلى الله عليه وسلم – عنكم

   اليمن أهل الحكمة و العلم و الحضارات

   و نفتخر بتواجدك حاليا في المنتدى معانا و ان شاء الله نشوفك في الامارات

   تحيتي و كل تقديري

3. الارض لله يورثها من يشاء . لا وافد ولا غير وافد . ارض الاسلام للمسلمين وكل مسلم له حق في الامارات او في مصر او المغرب . الخلافه الاسلاميه كانت ما تفرق بين قطر والاخر ولكن تقسيم الوطن العربي من قبل الصليبين هو الذي جعلنا ننسى ان المسلم اخو المسلم اينما كان وهذه الحدود المصطنعه ستزول وستعود الخلافه وستوضع الامور في نصابها.

   المشكله الحقيقيه في الوافدين الذين لا يحترمون ديننا ولا يحترمون عاداتنا ولا تقاليدنا وفينا من يبجهلهم ويرفعهم في العلالي وهم في الحقيقه يهدمون البيت المسلم وينخرون فيه.

   .

   .

   .

   هلا اخوي
   كلامك جميل و عين الصواب و فعلا ماذكرت في نهاية ردك هي المشكلة الأساسية
   لك مني كل التقدير و الاحترام

4. لكني مستحيل أبدا أبدا أعطي أي احترام لأي وافد أو أجنبي دخل بلادي بهدف البيزات فقط وبهدف النصب والسرقة ،،،،، أذكر مرة كان عندي صديق (عربي) حصلت بيني وبينه مشكلة ،،، ولما اتصلت أصالحه ،، قال لي بالحرف ( نحن الوافدين جايين ت نجمع شوية مصااري ت نرجع نعيش حياتنا في بلادنا ، ونحن مش فاضيين ت نعمل صداقات معاكم ،،، وكمان أنا مش متغرّب عن داري ت أعمل صداقات مع حدااا ) وبعدها قال لي ،، لاتزعل من كلامي بس هذه الحقيقه …
   
   وأنا مازعلت من كلامه أبدا لأنه أظهر لي حقيقة فئة من الفئات ..
   
   ياخوي مصمم أزياء ،،،، ترى لما تشوفنا وتشوف بعض الأعضاء يتطاولوا على الوافدين ،،، فهم قصدهم الفئة السيئة اللي في بلادنا
   
   أما الفئة الصالحة فهي على راسنا من فوق

   والدليل حب الأعضاء كلهم لكل وافد يشاركنا في هالمنتدى الكبير …

   هذول هم الوافدين اللي نحن نعطيهم تحية وحب وتقدير ..
   
   الفئة اللي داخله بلادنا وحبت بلادنا …

   مابطول بالكلام أكثر
   
   والسموحه عالاطالة

   القلم الحر

   .

   .

   .

   هلا و غلا اخوي القلم الحر

   انا سعيد بمرورك و فكرك الراقي يلفت انتباهي

   فعلا هذي فئة الواحد يتأسف من وجودها بينا و الأصل في اختلافنا هو التعارف مثل ماقال الله

   لك مني كل التقدير و الاحترام

   تحيتي وكل تقديري

5. لا فرق بين عربي واعجمي الا بالتقوى
   يا اخواني انا من الناس الوافدين بس اموت ع ترابها وعهواها لاني من مواليدها وعمري 35سنه مع ها كله احترم قوانينها وسيادتها واذا الغلط يطلع من البعض هب لازم اني اعم وصدقوني ما انه لو اتلاحظون هالشي انه معظم الاخطاء اتي من ناس توهم ياين للبلاد او انه هب امكلين فتره اهني ها الي لا حظته من مجال شغلي بس ماليه داعي اذكره وانا ما اقول هالشي لاني وافد حشا لله بس لانه انا اشوف واعرف اشياء صادفتني في الحياه كانت من الطرفين
   ربي يحفظ الامارات وحكامها وشعبها
   الف شكر لاخوي مصمم اماراتي على كلامه الراقي والطيب ربي يحفظك
   والسموحه من الكل لو كلامي فيه فيه شي غلط وانا اسف
   موفق بإذن الله … لك مني أجمل تحية .

   .

   .

   .

   هلا اخوي

   حياك الله بودانه وانا سعيد بتواجدك و ردك الطيب
   اسعدتني بهذا الفكر الراقي و الله يجعلنا عند حسن ظنك أكثر و أكثر
   تحيتي وكل تقديري

Comments are closed.