محتارة بين سيارتين ترافرس 2011
جيمتها 163 درهم
رقم واحد مع تامين مجانا وزبرت وقار وتجييك مره على 5000 او مرتين تقريبا مع 10 سنوات ضمان
والافالون من تويوتا 2011
جيمتها 145 درهم
تامين مجانا وتجييك على 1000 كيلوو و5 سنوات ضمان
ابا رايكم فالثنتين من حيث المواصفات والقوة والفخامة والي اطول مب سنة وسنتين وابيعها
في انتظار ارائكم
من صوبي اقدر افيدج بالأفالون فقط لأن السيارة الثانية ما جربتها
عندي افالون 2007 وارد امريكي دعمت فيها اكثر من ثلاث مرات ول الله الحمد ماصابني شي
والسيارة بعد ماقصرت امتصت نسبة كبيرة من الحادث وتعطيك اكبر قدر من التحكم
جربت قبلها بي ام دبليو 730 – ومرسيدس cls500 – واستيشن – وكامري
وتوبة اذا خذيت سيارة غير الافالون وبالنسبة للخرابات وقطع الغيار اعتقد لو تلز على راعي البقالة بيعطيك ( متوفرة ورخيصة ولا تخترب اصلا )
انصحك تاخذين مستعمل 2008 – 2009 وارد تحصلينها باابوشغارة من50 لـ 60 الف وصدقيني ما بتندمين
السلام عليكم ورحمة الله وبركاته
طبعا مشكلة الامريكي في البيعه ومشكلة بعضهن صينيات واستراليات ,,يعني التاهو والدينالي ولبيكبات ماعليهن كلام والاكاديا اول منزلت كان فيها مشاكل واحين ماشفنا عليهن مشاكل غير اسعارهم الطيح في البيعه ,, لكن في بعضهن من سيارات الشفر بذات المودلات الي نزلتها اليديده وايد خرابات وبذات في المكيف
الافالون ماعندي فكره عنها واتمنى الي عنده خلفية عنهن وعن استخدام الموديلات السابقه يفيدنا
شـكــ وبارك الله فيك ـــرا لك … لك مني أجمل تحية .
اشووف الافالون حليوه .. وخاصه انه فيه شبه بينه وبين اللكزس
يزاك الله خير اخويه
بس بهالسعر عطوني استيشن 2010 جيمته 189 بدون تامين طبعا
السعر غالي بالنسبة لي
اول شي سعر الترافرس مرتفع ولو بتزيدين شوي خذي جمس دينالي افضل وافخم ويعمر بيطلع 185 اعتقد
بالنسبة للافالون ترا وكاله الفطيم غش الشاشه شفتها فالانترنت شرات اللكزس مالتهم تركيب
وسعرها مرتفع بعد على ايامها كانت حدها 120 الى 130
السياره اللي احسن عنها لكزس es350 ولو ان احتمال يتغير شكلها قريب
اهم شي تستخيرين ولا تستعيلين
بالتوفيق