السلام عليكم
هذا الشخص الله يهديه نصب علي نصبه بهذلت حياتي
اخذ مني مبلغ مالي كبير وانا واكثر من شخص في هذا الموضوع اللي يروج له
http://satfrequencies.com/invest/uae171611/
ياخذ المبلغ علي اساس انه يرد لك المبلغ بعد 3 اللي 6 شهور وارباح 30%
ولاكن اللي صار انه تلفونه مغلق من سنه وبرا البلاد ومره ويقول انه مريض وهو في الاصل هارب من الدوله ومتنقل من مصر اللي سوريا
وانا اتحداه انه ينفي انه اخذ مبالغ كبيره من كثير من المستثمرين ووعدهم وعود واهيه حتي الان فلوسهم راحت سراب وانا عندي اللي يأكد ما اقوله بلأوراق وتواقيعه بعد
من قابلت هالشخص وهو وهو وعود كاذبه في كاذبه مع ان ظاهره امين ولاكن المواقف اللي صارت بينت العكس
ولعنة الله علي الظالمين
السلام عليكم ورحمة الله وبركاته
اخي الكريم اول شي انا مب هارب
ثاني شي انا عمري ما استلمت فلوس من انسان ( مستثمر او مشتري الا في حال كان هو رافض يسير يشتري بنفسه وكنت اعطي شيك باي مبلغ استلمه مشروط باحضار عقد شراء العقار . وواحد منهم بعد ما احضرتله عقد الشراء رفض يرجع شيك الضمان والعقد بعده موجود عندي . والاتفاق الي ينص على هالشرط موجود بتوقيعه .
الشي الي يخص مرضي مب محل تشكيك منك ولا من اي شخص
ومب محتاج انصب عليك ولا على غيرك لاني فالامارات من 20 سنه والحمدلله صفحتي بيضه واكسب من تعبي وعرق جبيني .
أكثر من اربع مستثمرين اشتريتلهم السنه الي طافت ودخلت الازمه وكل العقاريين عارفين الي صار توقف الشراء نهائيا .
البعض منهم حملني مسؤلية وما اعتقد بان فيه انسان في هذه الدنيا يشتري شي وهو ضامن 100% بانه ينباع
انا بنفسي مشتري طابق في عجمان وخسران فيه 900,000 درهم ومطورين خسروا مئات الملايين بسبب الازمه وكثير من الناس خسرت ودول خسرت بس للاسف فيه ناس ما تؤمن بان فيه شي اسمه خساره يبون الدنيا كلها مرابح
الشي الاهم يا ليت تنزل صور الاوراق الي تثبت اني نصبت عليك واباك تتكرم وتقول كيف تم النصب عليك من قبلي بالتفصيل لو سمحت عشان الكل يكون عارف .
بخصوص تليفوني تم مفتوح 3 اشهر وبعد ما خبرت كل عملائي عن ارقامي خارج الدوله سكرته لان الاتصال الخارجي ما اقدر اتحمله دوم .
وانا متاكد بان رقمي عندك وهذا هذا هو 009633999781103
انا بانتظار اوراقك اخي الكريم وامام كل اعضاء المنتدى
الاخ عدنان من اروع الناس في التعامل
اكيد في غلط اخوي وياريت تتاكد
الاخ القناص له اكثر من 30 سنه في الدوله وذو سمعة طيبه عند الكل
والله يفرجها على الجميع
وان لك حق اكيد بيرجعلك
والله يوفق الجميع
اخوي الفاضل
جزاك الله كل الخير على التحذير من التعامل مع هذا الشخص
لكن الغلطة غلطتك للأسف بإشتراكك معه ، وذلك للكسب المادي السريع
للعلم بسببك وبسبب الكثيرين في التعامل بهذه الطريقة في شراء العقارات، تم ارتفاع اسعار العقارات في دبي بشكل خاص والامارات بشكل عام
عسى الله يعوضك خيرا
اذا عندك دليل على الريال قدمه للشرطه او المحكمه
كأن يكون عندك شيك او وصل امانه
واذا ماعندك الله يعوض عليك