البارحة مريت وكالة الفورد وبالصدفة لمحت هذي السيارة
فورد سبورت تراك
وفي نوعين منها
سبورت تراك ليمتد
سبورت تراك XLT
طبعا الليمتد أفخم ومواصفاتها أكثر مثل جلد وفتحة ومكيف الكتروني وكراسي كهربائية ومثبت سرعة وحساسات خلفية وست CD و MP3 وتدفئة للكراسي وبلوتوث وتقدر تفتح الجامة الخلفية المطلة على الحوض اتوماتيكيا وطبعا الحوض مجهز بغطاء راقي وفيه دوسات وغيره يعني مجهزة تجهيز كامل مب شرات الجمس تاخزة سلق من الخارج واي شي تباه بفلوس مثل دوسات وغطاء للحوض وغيره (من واقع تجربة)
بس للأسف لي عندنا ينزل بدون شاشة
السيارة أربع أبواب 4X4
المحرك 6 سلندر 4.0 يعني زين ولا بأس فيه
الجير 5 سرحات أتوماتيك
الضمان ثلاث سنوات او 60000 كلم وكذلك سنتين اضافيتين للمحرك والجير والدفريشن
الصيانة مجانية ثلاث سنوات او 60000 على جمييييع الأشياء
السعر بالنسبة للميتد فل ابشن
129 ألف
135 ألف مع بلوتوث
بس لما قلت للموظف بعطيك كاااااش اباها مع بلوتوث( بلوتوث وفويس كول)
والله ماقصر قالي بدخل على المدير وبرد لك
يابلي ياها ب 125 ألف مع بلوتوث أما بدون البلوتوث ب 119 ألف
أنا اتشاور على اللون الحمر او الأسود وابا رايكم بالسيارة وخصوصا لي مجربينها لاتقولون لي خذ F-150 لأني شفته وماعجبني حجمة وايد كبير
لكن لو هذا الوحش ينزل عندنا كان خذته وماتريت بس المشكلة ينزل في امريكا واسمه Adrenalin
مادام عندكم تاندرا وسيرا
خذلك شفر سلفادور
انا اشوف انه احسن من الفورد
صلى استخارة وبالتوفيق
مشكور ياخوي على مشاركتك
المشكلة الامريكية بدون ضمان وما عرف كيف اطلبها من امريكا
اخوي عنده تندرا والشيبه عنده سييرا وانا قلت بغير واشوف الفورد فنان
اخوي اذا تبا شوري
خذلك امركية مع شاشة (اذا تبا فل ابشن)
لانها بتفيدك اذا بغيت تبيعها
السوق الحين تندرا وسييرا وهالموتر توه يديد
السلام عليكم ،،، أخوي كل سياره تعتمد على نوع الإستخدام المطلوب منها السياره حلوه بس ما تتحمل حموله كبيره تعتبر للحمولات البسيطه والمحرك جيد بس على السعر هذا أنصحك في Gmc سييرا أفضل ومحرك أفضل ومساخه أفضل في الداخل والحوض أكبر ولو خذته أسود أحلى من الفورد الأسود ، بس للفورد أنصحك اللون الأبيض
والسموحه،