الاكتتاب في شركة الخليج للتعمير

26 thoughts on “الاكتتاب في شركة الخليج للتعمير”

1. اشكرك اخوي نايف على النشره الملخصه والواضحه

   اخوي كنت بسأل عن اي وسيط لسوق البحرين يكون موجود في الامارات اذا تعرف طبعا او اي حد من الاخوان يعرف لان البحرين طالعة فوق بالتنمية بشكل عام وشي يشجع صراحه في البداية ان الواحد يستثمر

   وشكرا

2. مرحبا اخوي المغترب

   والله كانت قرصه حلووه بتلكو على سعر 600 فلس والحين سعرها 1.030 دينار يعني ارتفاع بما يقارب 70%

   الله يوفقك ان شالله في فرص ثانيه

   اما بخصوص الاسهم اللي راح تكون مخصصه لك اذا ماكانت 20.000 سهم راح تكون اقل بشوي

   لان بورصة البحرين للحين هادية عشان جذي انا اعتبر ان هالاكتتاب فرصه وماراح تكرر لان الاسهم

   اللي بتخصص بتكون متقاربة جدا مع الكمية المكتت فيها ان شالله

   سعر السهم راح يكون اكثر من دولار

   وشي طبيعي ان سهم راح يكون عليه تداول كبير او ماينطرح فانا انصح ان مالك السهم ماينتظر مده طويله

   لان بعد مده راح يهدى تداول السهم ..

   اما الشركات الاخرى الممتازه في السوق عندك التامين مثل اريج للتامين وطبعا شركة بتلكو للاتصارات من حسن الاسهم

   والملاحه والسينما والعذائيه ترافكو والفنادق يعني مجموعة شركات

   وبخصوص اي استفسار عندك بالبورصه البحريني اسال وان شالله اقدر افيدك فيه …

3. السلام عليكم

   أشكرك يا نايف على التنبيه لهذه الشركة

   وانا بصراحة متشجع لدخول السوق البحريني ، واللي اتوقع انه لازم يتحرك بعد السبات اللذي لازمه ، كنت ناوي اشتري بتلكوا عندما كانت تتداول على 600 فلس بس ما كنت اعرف طريقة الشراء

   عندي مجموعة استفسارات عن الشركة

   في حالة الاكتتاب ب20,000 سهم ما هو توقعاتك بعدد الاسهم التي ستكون مخصصة لي ؟؟
   وكم تتوقع ان يصل السهم عند الادراج ؟؟ هل سيصل سعر السهم الى دولار واحد

   وكوجهة نظر لك بالسوق البحريني كونك متابع السوق هناك
   هل تتوقع ان السهم يشهد حركة في اول ايام للادراج ؟؟

   وماهي الشركات التي تنصح بشراء أسهمها في الوقت الحالي ( غير أسهم البنوك )

   وأشكرك مرة أخرى

4. السلام عليكم

   في البداية سمحوا لي على التاخير بس كان بسبب اني كنت مسافر وامس رجعت …!!

   الاخ Saud البنك يعمل في الفترة المسائيه ومكانه بالتحديد في منطفة السيف مقابل مجمع السيف .. والاكتتاب يكون في هالفرع بس

   الاخ eurofighter ان شاالله 40000 الف سهم تكون كفايه ونسبة التخصيص ماظن انها تكون كبيره في النسبه والتناسب يعني ان شالله راح تملك اكثر الاسهم اللي اكتتبت فيها وبالنسبة لسعر السهم في السوق مثل ماقال الاخ قطري انه مش مغري بالعكس لان ماراح تصير مع الاكتتاب النسبة والتناسب فهذا الشي راح يخليه يملك اكثر الاسهم اللي اكتتب فيها وراح تزيد الارباح ورقم البنك ان شالله اليوم يكون عندك …

   اما بالنسبة لاخوي العزيز qatari1 لازم اتفرغ لك شوي عشان ارد على كل تعليقاتك 🙂

   اولا : انت قلت وضع السوق غير مغري لان التداول فيه خفيف وناس وايد مايعرفون عن الاكتتاب تعرف هالوضع يذكرنا بشنو يذكرنا بوضع بورصة قطر قبل اكتتاب شركة الصناعات وكان وقتها محد يعرف الاسهم الاا ماندر وبعد اكتتاب الصناعات واكتشاف الناس للاراح صارت البورصة في قطر حديث المجالس وزادت نسبة التداول صح اخوي …!!

   اما بالنسبة لثانيا : انت تقول ان المؤسسين معظمهم من الكويت والسعودية بس سمح لي اقول لك يعني انك ماقريت النشره صح لان المؤسسين للشركة :
   1 . بيت الاستثمار الخليجي الكويت

   2. بيت التمويل الخليجي البحرين وطبعا شي ان هالبنك مجلس ادارته من العايله الحاكمه او كبار رجال الاعمال في البحرين

   3. مجموعة الشايع الكويت

   4. مجموعة النفيسي الكويت

   غير رجال الاعمال من كل دول الخليج والمساهمين الرئيسين ومن المؤسسين بعد

   بنك دبي الاسلامي الامارات

   بيت الاستثمار العالمي الكويت

   مجموعة الزامل البحرين من كبار رجال الاعمال في البحرين

   شركة ال سعيدان السعودية

   ثالثا: الشركة مافيها اي غموض التجميد ذي كان بس لطرح الشركة في البورصة ومش التداول يعني في بعد مادخلوا المساهمين المؤسسين طرحوا اسهم الشركه في البورصة تمهيدا لطرحها ووقفوا التداول عليها ولو في اي شي غلط كان سوق الاوراق الماليه ماسمح بالاكتتاب العام .

   رابعا: طبعا ردينا عليه اول اولا وهو عدم معرفة اكثر البحرينين بموضوع الاكتتاب لان اول اكتتاب يصير في البحرين من سنة 1997 وللحين محد يعرف الاسهم بكثره الا رجال الاعمال او المستثمرين

   خامسا: تاريخ الادراج راح يكون ان شالله على اخر شهر فبراير بعد اجتماع الجمعيه العموميه بعد الاكتتاب

   سادسا: الشركة شي طبيعي بتكون مغرية للاكتتاب لانها شركة عقارية وقائمه ولها مشاريع كثيره في كل دول الخليج وحاليا سوق البحرين العقاري في قوة طفرته وارتفعت العقارات في البحرين السنة لمستوى 300% .. والاكتتاب ماكان حصري على اهل البحرين لان نعرف ان التداول للحين مافي ناس وايد فيه وثاني شي هالتوجه مش بس في البحرين انا قبل فترة سته شهور تقريبا مكتتب في اسهم شركة المها البترولية في عمان باسمي العادي لان الاكتتاب كان مسموح لكل مواطني دول مجلس التعاون

   سابعا: ماراح تستفيد شي بالانتظار لانك بهالحاله ماربحت شي بالاكتتاب يعني لو انا مثلا كنت متشكك راح اكتتب بالحد للادني للكتاب اللي هو 20000 سهم عشان بعدين لايروح علي الارتفاع

   عرفت شلون اخووي

   واخيراا وليس آخرا لحد يظن اني قاعد اروج للشركه او ان ابي اغريكم على الاكتتاب هذا شي طبيعي وكل واحد يتصرف بقرارته بس انا شفت الاكتتاب مغري عشان جذي عرضته عليكم وان شالله يصير كل اللي في الخير 🙂

   واي استفسار من احد قولواا ؟؟

5. السلام عليكم ورحمة الله وبركاته،، وبعد:-
   الأخوة الأعزاء….
   أنا غير متحمس للاكتتاب في الشركة الجديدة(تعمير)، رغم رأس مالها الجيد، ونشاطها الجيدفي البحرين، وبعد قراءة نشرة الاكتتاب، والاطلاع على وضع سوق البحرين المالي، أورد مبررات عدم الحماس للاكتتاب:-

   1- سوق البحرين المالي لا يشجع على الاكتتاب والشراء، نظراً لتواضع عدد الصفقات، وحجم التداول قياساً على الأسواق المجاورة.
   2-مؤسسي الشركة المذكورة معظمهم من الكويت والسعودية، ولم أجد بين الأسماء أي شخصيات مشهورة أو رجال أعمال معروفين أو حتى من أبناء الأسر الحاكمة أو الحكومات الخليجية.
   3- غموض وضع الشركة في البورصة، وتجميد تداولها، وسعرها “المجمد” غير المغري 1.125$.
   4-معظم الأخوة في البحرين لا يدرون عن البورصة، ولم أجد من يمكن أن يعطيني ولو معلومات قليلة عنها أو عن الشركات المدرجة فيها.
   5-لم يرد تاريخ معين للإدراج في بورصة البحرين، ولم يحدد فترة زمنية لإدراجها في بورصة الكويت.
   6-لو كانت الشركة مغرية للاكتتاب لجعلت الأولوية لمواطني البحرين أولاً، كما يحصل في الأسواق المجاورة حيث يقتصر الاكتتاب على مواطني الدولة.
   7- أخيراً لم لا ننتظر حتى تدرج الشركة في البورصة، ومن ثم نقوم بالشراء لأنه بالتأكيد لن يرتفع السعر كثيراً عن سعر الاكتتاب، وحينها قد ينجلي الغموض عن هذه الشركة.

   والسلام عليكم أيها الأحبة، مع تقديري واحترامي لكلام الأخ نايف.

Comments are closed.