بسم الله الرحمن الرحيم
وعلى بركة الله نفتتح الجزء الثاني من الموضوع والذي يعتبر إستمرارا للجزء الأول الذي بدأناه في 10/5/2009 و أكملناه اليوم وتم إغلاقه لتجاوز عدد المشاهدات فيه 50000 مشاهدة. حسب تعليمات المنتدى يتم إفتتاح موضوع جديد نستكمل فيه ابحارنا … ونضع لكم رابط الجزء الأول لمن أراد المتابعة من البداية ….
بارك الله فيك اخوي
اشلك فالبحر و اهواله 00 و رزق خلق الله على السيف
شو باقي اكثر من الانهيار اللي شفناه اليوم !!
هذا مستحيل يكون تصحيح 00
كل اسواق العالم تصحح وتنزل لكن مب جيه !!
الظاهر ان كلام الاستاذ عزمي صحيح ، نحن على موعد مع قاع جديد
و الله اني كنت من اكثر المتفائلين فالمنتدى بس عقب اللي شفته اليوم غيرت رايي
لان سوقنا عشوائي و بدون تنظيم ولا رقابه عالحركات اللي تصير فيه
ياليتني اقدر اسحب راس مالي من السوق و اريح عمري
لكن للاسف في الوضع الحالي و الخسائر المؤلمه صعب اظهر
و يااااا صبر ايوب !!!
جزاك الله خير يا بوعمر
وان شاء الله الى اعالي البحار ونكتشف قاره جديده بعد
يا اخوان والله اللي صار اليوم نزول قاسي وموجع ولكن لاننسى
ان اسعار الاسهم في الحضيض يعني خساره اللي ماخذ اعمار على 4 دراهم مو مثل
اخوانا اللي ماخذين اعمار على عشر دراهم والا ارابتك على 18 درهم نسأل الله ان يعوضهم
اضعاف اضعاف.
خلاصه الكلام ما بعد الليل ياتي النهار
وما بعد النزول ياتي الصعود والاسعار المرتفعه في السنوات السابقه راح نزورها ونعديها بعد
( للمستثمرين فقط )
لازم تسمي هالجزء الثاني: الإبحار في أعماق البحار بدلا من أعالي : أي أعالي واليوم 23 يونيو خسرنا 115 نقطة !!!!!
ان شاء الله يكون الجزء الثاني فيه امل و صعود
الله كريم و يعوض على الجميع
تحياتي المتواضع