مرحبا اخوني

من خلال تجاربكم وخبراتكم

اود ان تدلوني على عناوين وتلفونات افضل مكاتب تخلص لي فيزا الشنغن والبريطانيه

في عجمان او الشارقه او دبي

بوقت قصير وبطلبات بسيطه وباسعار معقوله

بانتظار ردودكم القيمه والمهمه بالنسبه لي

7 thoughts on “افضل مكاتب تخلص فيزا الشنغن والبريطانيه”

  1. هلا الغالي

    بخصوص فيزا الشنغن عن تجربه افضل انك تقدم عليها في سفارة المانيا تاخذ لها 3 ايام ومب لازم انت تسير بنفسك ممكن اي مندوب يخلصلك اياها وتكلفك بحدود 700 درهم للشخص تقريبا

    للعلم الشنغن ممكن تستخدمها لكل الدول الاوروبيه ما عدا المملكه المتحده (بريطانيا, ايرلندا, سكوتلندا)

    اما بالنسبه للفيزا الخاصه بالمملكه المتحده افضل شي انك تاخذها عن طريق سفارة بريطانيا في دبي مقابل نادي النصر

    طبعا لازم تاخذ موعد اونلاين UK Visa Information – Home Page لانه راح يوفر عليك وقت

    ولازم كل الاشخاص اللي بيسافرون معاك يحضرون شخصيه للبصمه والصوره

    وتكلفتها 380 درهم تقريبا للشخص وما تاخذ اكثر من 4 ايام عمل

    واذا احتجت اي استفسار انا حاضر

Comments are closed.