السلام و عليكم…
يوم سألت عن افضل الاستشاريين فى راس الخيمه ذكرو الناس لى مكتب العبدولى والقصيمى. طبعا قالولى ان الاستشاريين هاذول غاليين ولكن ماعندى مشكله بس يوم اتصلت بالاستعلامات اسأل عن العبدولى عطونى استشارى اسمه سالم جاسم العبدولى….هل هو نفسه العبدولى اللى كلمونى عنه؟!!
بغيت اعرف رايكم…وممكن تطرشولى على الخاص اذا مابغيتو التفاصيل على العام….
وبغيت اعرف بعد كيف يتم تغيير الاستشارى؟…هل انا اقوم بهذه المهمه ولا الاستشارى الجديد؟
الصراحه أنا واخواني اتعاملنا مع مكتب التراث والحقيقه وايد زين المهندسين اللي يشتغلون بيه وعندهم شغل وفلل وايد حلوه كان أول عنهم مشكله بعدد المهنسين بس الحين عنهم أربع مهندسين مواقع ………………………….. اثابنا وأثابكم الله خيرا
والله ياخوي القصيمي ما تعاملت وياه ,,, بالنسبة لي اتعامل ويا القلعة ,, اغلب التصاميم والاشراف من عندهم ,,,
حاليا هم يشرفون على 7 مشاريع خاصة فيني ,,, ويردون على التلفونات ,,
بالنسبة لي الاستشاري هو اللي يخلص لي امور البلدية والصرف الصحي والاتصالات ,, وانا استلم المعاملة جاهزة ,,,
ولاي استفسار انا حاضر ,,,
شكر اخوى على الرد…
انا عندى تصميم جاهز بس بغيت استشارى يتحرك ويرد على التلفونات ويكون امين فى مراقبة المقاول لأنى يمكن اسافر وابا اعتمد عليه فى كل شى….بصراحه كان عندى اثنين استشاريين سودانيين الله لايوريك! انا والوالد يالسين نراكض فى البلديه والاراضى والحبيب راقد ومايرد على المكالمات الا متأخر….هذا اذا رد….!!
شو رايك بالقصيمى؟ ….
أخوي بالنسبة لموضوع الاستشاريين ,,,
المكاتب الاستشارية ما اكثرها عندنا في راس الخيمة ,,,
إذا بتسال عن الأفضل ,, فبتلاقي كل واحد يمدح لك مكتب معين بحكم التجربة الشخصية ,,,
انت شو تبي بالاستشاري ؟ تبا تصميم يديد ؟ ولا عندك تصميم جديم وحاب تغير لاستشاري ثاني علشان يعدل لك المخطط ,,
اذا بتسأل عن التنازل من استشاري لآخر فموضوعها سهل ,,,
ولاي استفسار نحن حاضرين