السلام عليكم ورحمه الله وبركاته
من باب الافاده ، حبيت اعلمكم انه شي دورة تصوير في الشارجه ،،
اليوم كان اول يوم ، بس بعده باب التسجيل مفتوح ، الدورة بتكون من 7 ايام كل اثنين واربعاء ، المكان جمعية الامارت للتصوير ، حذال سوق العرصه ،،
في حالة الوقت مب مناسب ، شي بعد نفس الدوره بتكون في شهر 7 ،،،
وهاي خريطه الموقع
بعد ما اطوفون مسيد الشيعه خذوا ثاني دخله ، اللوحه كاتبين عليها مدخل الشيوخ وكبار الشخصيات ، انا دخلت هناك بس ما شي باركنق سيده ، لازم تلفون يمين يسار حق الباركنق، سوو شراتي دخلت سوق العرصه ومسكت لي هندي ايدلني وين الجمعيه ، لان منطقه التراث فيها مليون الف جمعيه ومتحف وبيت اثري ف بتضيعون شوي ،،،،
مرفق جدول الحصص للي حاب ،،
والسلام عليكم ورحمه الله وبركاته،،
ارتحت خفت تدعي علي من الخاطر اذا ما استفدت
من النقاط المعروضه في البوستر اتبين الدورة شبيه باللي في الشارجه ، ان شاء الله تستفيد
ما وصيك ركز عدل ، وحلل جيمة 700 درهم
باشو دعيت عليج لين ماقلت بس
ماشتركت فالدوره .
كانو يبوني اكون موجود اليوم الصبح عشان اخذ الدروس الي طافتني
لكن الصبح ماقدر لاني مداوم !
..
اشتركت بهاي الدوره مدتها 3 ايام في بوظبي بتكون مكثفه .
وبيكون الاستاذ اسامه الزبيدي هو المحاضر
ان شاء الله نستفيد من الدوره .
السموووووووووووحه على التأخير اخواني وخواتي ،
عود معطر
ولكي مثله
ربي يفتح عليج وين ما رحتي،،
آنه
ما شاء الله تبارك الله عندج كمرا كانون 450 ؟ ايبين التصوير جدا احترافي في موضوعج اللي عن خورفكان ، والمعلومات اللي عرضتيها توه استوعبها ، بس بعد كله انسى ، يبالي دروس عمليه ، او مع التعود اعتقد بعرف، الله ايفك ضيقج ويسر لج امورج يارب،،،،
احساس الشارجه
اليوم اول يوم لك في المعهد صح؟ لا تدعي علي لو ما استفاد ، انا مالي شغل
على قولة اخوانا المصريين انا مليش دعوه بئه
الحر بو شاهين
ما شاء الله نقدك للصور وايد مفيد ، خلانا ننتبهه على الاغلاط الفادحه المرتكبه قصدي الاغلاط البسيطه
حياكم الله ، انشوفكم ان شاء الله في مواضيع الحر بوشاهين التعليميه <<- تحرج الريال،،
عندك عدة وضعيات
في وضعية فقط تتحكم بسرعة الغالق .
وفي وضعية تتحكم في فتحة العدسة .
وفي وضعية تتحكم في سرعة الغالق وفتحة العدسة مع بعض وهي وضعية المانيول .
والأيزو له تحكم خاص فيه تقدر تخليه اتوماتيك وتقدر مانيول .
ونصحيتي لك تخليه مانيول وعلى اقل رقم وهو 100
لأنك كل ما رفعت قيمة الآيزو كل ما حببت الصوره اكثر و فقدت جودتها وجماليتها .
الأيزو يستخدم في اوقات الضرورة اذا ما كانت في اضاءة كافية .
المساء اذا حصلت فرصة بحاول اضيف شئ يفيدك
بس لازم انبش في ملفاتي اذا حصلته
قلنا ادعي عليها مب ادعي الها
تستاهل باشو كل خير .. اسميه هالموضوع بيشفعلها دوم