السلام عليكم ورحمه الله وبركاته
من باب الافاده ، حبيت اعلمكم انه شي دورة تصوير في الشارجه ،،
اليوم كان اول يوم ، بس بعده باب التسجيل مفتوح ، الدورة بتكون من 7 ايام كل اثنين واربعاء ، المكان جمعية الامارت للتصوير ، حذال سوق العرصه ،،
في حالة الوقت مب مناسب ، شي بعد نفس الدوره بتكون في شهر 7 ،،،
وهاي خريطه الموقع
بعد ما اطوفون مسيد الشيعه خذوا ثاني دخله ، اللوحه كاتبين عليها مدخل الشيوخ وكبار الشخصيات ، انا دخلت هناك بس ما شي باركنق سيده ، لازم تلفون يمين يسار حق الباركنق، سوو شراتي دخلت سوق العرصه ومسكت لي هندي ايدلني وين الجمعيه ، لان منطقه التراث فيها مليون الف جمعيه ومتحف وبيت اثري ف بتضيعون شوي ،،،،
مرفق جدول الحصص للي حاب ،،
والسلام عليكم ورحمه الله وبركاته،،
والنعم بالجميع ، شاكره لك مرورك الطيب،،،
سيف الزري اخ والنعم فيه
بالتوفيق اختي للجميع
اخوي الفيلسوف بعده تقدر تشترك ، الحصه الاولى كانت بس تعريفيه وخفيفه ، الحصه الثانيه بتكون عامره بالمعلومات و بتكون يوم الاربعاء اعتقد تقدر تشترك في نفس اليوم قبل ما تبتدى الحصه ، هذا رقمهم بس عشان تتأكد 100% : 56888896 06 ، ملاحظه: الرقم في الاعلان غلط
اما عن شهر 7 اعلن المنظم انه شي دورة في هل الشهر بس الاوقات ما محدده ، اتوقع نفس الوقت ، على العموم بطرشلك على الخاص الموقع الرسمي لمنتدى الامارات للتصوير، دايما ايحطون اعلان عن الدورات في كل الامارات ،،
شاكره لك مرورك الطيب ،،،
تسلمين اختي الله لا هانج
للأسف ما لحقنا عـ هالدوره
إن شاء الله بنلحق عـ الدوره في شهر 7 ..
ياليت تخبرينا بموعد الدوره في شهر 7
تسلم اخويه وربي يجزيك الخير يبالنا هالدورة