السلام عليكم ورحمه الله وبركاته
من باب الافاده ، حبيت اعلمكم انه شي دورة تصوير في الشارجه ،،
اليوم كان اول يوم ، بس بعده باب التسجيل مفتوح ، الدورة بتكون من 7 ايام كل اثنين واربعاء ، المكان جمعية الامارت للتصوير ، حذال سوق العرصه ،،
في حالة الوقت مب مناسب ، شي بعد نفس الدوره بتكون في شهر 7 ،،،
وهاي خريطه الموقع
بعد ما اطوفون مسيد الشيعه خذوا ثاني دخله ، اللوحه كاتبين عليها مدخل الشيوخ وكبار الشخصيات ، انا دخلت هناك بس ما شي باركنق سيده ، لازم تلفون يمين يسار حق الباركنق، سوو شراتي دخلت سوق العرصه ومسكت لي هندي ايدلني وين الجمعيه ، لان منطقه التراث فيها مليون الف جمعيه ومتحف وبيت اثري ف بتضيعون شوي ،،،،
مرفق جدول الحصص للي حاب ،،
والسلام عليكم ورحمه الله وبركاته،،
عندهم دورة في المصارعة الحرة النسائية
ان كنتي حابة تلتحقين في هذه الدورة فقط عليج بأرسال السيرة الذاتية .
و أول المبارزين لج هي الخطيرة باشو
مساء الخير
حاضرين للناس الطيبين
ولكم مني وعد ان تظهر صوركم رائعة ان شاء الله
وبما انكم مقبلين على دخول الدورة كل المطلوب منكم هو الأستفسار
عن سرعة الغالق + فتحة العدسة + الآيزو + والوضعيات الموجودة في الكاميرا .
هذه معلومات سطحية خذوا فكرة عنها وتلعموا كيفية التحكم بها من خلال الكاميرا .
بعد اخذ فكرة عن هذه الأشياء راح اتعمق انا معاكم في مجال التصوير
من كيفية استغلال هذه الوضعيات واوقات استعمالها مع شروط اخرى .
نفتح موضوع مستقل نيمع فيه كل اعضاء المنتدى المحبين للتصوير ونعين ونعاون بعض
ان شاء الله . علماً ان سعر الدورة عندي 500 درهم
لوووول سوالف .
عندك برنامج في سي دي اسمه ديجيتال فوتوا لروفيشونال .
هذا البرنامج اييك مع الكانون عامة .
سوله داون لود عندك في الجهاز وراح اخبرك كيف تستعمله في تعديل الصور
والمحافظة عليها بكامل جودتها
تحياتي لكم
هههههه اختي عود معطر هاي جمعية للفنون التشكيلية والتصوير الضوئي
مايخصهم بالمكياجات ..
عليج باليوتيوب بتحصلين دورات على المكياج . وشرح مصور .. شو تبين بعد
والله نحن محتاجين محترفين التصوير مثلك اخوي الحر بوشاهين
وان شاء الله نقدر نستفيد منك
سبحان الله كنت بطرح موضوع عن التصوير
يزاها الله خير باشو ماقصرت
شو ماشي شغل
….
اتصلت اليوم الصبح من كثر مب مستعيل وابى اسجل دقيت 050 بدال مادق 06
ردت علي وحده . ودار هالحوار
الو . السلام عليكم .
وعليكم السلام
صباح الخير اختي .
صباح النور
عندي استفسار الله يسلمج .
تفضل لكن عفواً من معاي .
معاج اخوج ……..
تفضل ياخوي شوبغيت ..
اختي حبيت استفسر عن الدورة اذا في مجال اشترك فيها
عفواً اي دورة
دورة التصوير الرقمي طال عمرج
انته وين متصل اخوي !!
مب جمعية الامارات للتصوير الرقمي !!
لاياخوي هذا تيلفون شخصي
سامحيني ياختي
وقمت ادعي عليج ياباشو
اتصلت ورد علي سكرتير الجمعيه
المهم
اخر شي توصلت للاستاذ سيف الزري .
ريال والنعم . شرحتله ظرفي وقلتله بكون متواجد فالشارجه يوم الخميس
قالي حياك الله . وبعطيك الدرس الي عطيت الاخوان قبل يوم الاثنين الياي . عشان تستمر وياهم
الصراحه ماقصر