السلام عليكم
اخواني الي يبى كامريات نظاف انا لقيت اربع حبات في معارض القبيسي فشارع المطار
قبل محلات 501 للتلفونات
اسعارهم ب40 الف قالي بعطيك ب38 قلت له اناا اباها ب35 قالي خلاص تعال بكره وا نشالله خير
كان عنده 6 الحين بقت اربع حبات وان شالله وحده منهم تكون من نصيبي
وعلى فكره فيها تحكم بالسكان و4 سلندر انا بروحي استغربت بصراحه تحريتها وارد بس طلعت خليجي
اربعه سلندر تخشيب ورنجات بعد شو تبون اكثر من هذا وسعر وايد رخيص وللعلم قالي انصحك لو تبى يديد اتريا شوي بتنزل الاسعار هذا كلام راعي المعرض بصراحه واحد خو شما ويخاف الله لانه يعرف ان رزقه على الله والصدق هو اسلوبه في التعامل وللامانه والله لاعرفه ولاشي الا عقب الي صار وياهم اليوم
يعني المعرض عارضنها ب40 ويساومك فيها على 38 وتحت بكم بيكون ماخذنها هو اصلا؟؟؟
وحده من الثنتين ياانه ماخذنه باقل بوايد او انه متورط فيها ومحد اشتراها منه وخايف تنزل الاسعار اكثر واكثر ؟؟ وفكر اييب راس مالها او حتى يطلع باقل خساره ..؟؟
اناا مانزلت الموضوع الا عقب ماشفت المبالغه في الاسعار في المنتدى بصرااحه نحن ظالمين اصحاب المعارض
طلعت اسعار المعارض ولاشي قدام اسعار شباب المنتدى
اسعار جنونيه والله ستيشن 2001 ب85 هذا سعر 2003 و2004
وفتك 2002 ب65 ومرسدس 99 ب65 وكامري 2004 ب45 وايد فرق عن المعارض بالف مره والله مبالغين وايد وايد وايد بشكل جنوني
بالتوفيق يا صاحب الموضوع ……………………
اكيد ويوفقك ا نشالله
بس انا حبيت اسوي خدمه فالمقابل حق الشباب الي يبى كامري بصراحه شفت السعر وايد فرق وحلووو مره
لاني ماكنت اعرف فالاسعار لكن يوم شفت الفرق انصدمت بصراحه قلت انزل الموضوع والناس تعرف ومثل ماحب افيد نفسي احب غيري يستفيد بعد
^_^
انا مثلك فحياتي ماقتنعت بشرا سياره من المعرض بس واحد قالي المعرض الفلاني يبيع يوم رحت شفت اسعاره وايد فرق عن المعروض في المنتدى
ماقلت بيعلي بالغصب بالسعر الي اريده
بس ياخي بالعقل انا عارض سياره قيمتها 100الف في السوق وطالب فيها 200الف ياخي الي بيشوفك بياخذ فخاطره م نالسعر بيقول شو هذا يتمسخر علينا والا شوو
والا االحلال حلالك لكن الاسعار بصراحه مبالغ فيها بالذات هالفتره
العالم في نزول وهم في طلوع وياليت طلوع واقعي الا مبالغ فيه
ويشرفني ردك
مشكور على النصيحة
في مثل قددددددددددددديم
يقول بين البايع والشاري يفتح الله
اذا ماعجبك السعر لاتشتري
الله يوفقك
بالكامري
وعليكم السلام ورحمة الله وبركاته
كل واحد حر بموتره ولو يبا يحرقه قبل ليبيعه هو حر الغالي واذا شفت الموتر غالي عليك ماله داااعي تأخذه وانا بصراحه ماحب اخذ شي من السيارات بالمعارض مالي ثقة فيهم الا من رحم ربي والشباب في المنتدى مابيقصرون ويااااك انا مأخذ موتر ميني كوبر اس من هذا المنتدى كنت باخذ واحد شراته عند وااحد من الربع موديل 2006 طالب فيه 80 الف انه مشيك عليه انا خذيت شراااته ونفس الموديل 60 الف والله يبارك للبائع ويسهل على المشتري السيارة ويبارك فيها من خيرها ويبعد شرهاااا