بسم الله الرحمن الرحيم
لفت انتباهي اليوم اسعار الاراضي في مدينة ابوظبي وضواحيها والتي زادت اسعارها تقريبا 250% خلال عام واحد فقط والسؤال هو هل هذه الاسعار حقيقية او من ضرب الخيال؟
شو صار في عام واحد فقط عشان الاسعار توصل الى هذا الحد؟
ليش الحكومة ما تفتح البيع والشراء للناس شرط ما يستطيع الشخص امتلاك اكثر من ارضين فقط؟
ليش ما يتم توزيع الاراضي على المواطنين بالسرعة المطلوبة وتوفير الخدمات اللازمة لها؟
ليش ما يتم ايقاف شركات العقار من المضاربة في اسعار العقار بهذه الصورة الخيالية؟
ليش ما يتم بناء مجمعات سكنية لذوي الدخل المحدود للتأجير؟
ليش ما يتم انشاء شركات وطنية لمواد البناء والصلب؟
ليش كل هذي الاسئلة ما لها جواب ممكن حد يخبرني ليش؟
طال عمرك أنا بخبرك منو اللي يشتري….
يصير عملية تدوير للاراضي بين المكاتب العقارية مثلا ( مكتبي ومكتب أخوي ولا ولد عمي بالاسعار الخيالية (بالاسعار اللي نباه) وتتسجل الاسعار في البلدية ….. بعدين انته اتيي مثلا بغيت أرض في خليفة أ … بيقولولك اسعار الاراضي لآخر العمليات وبهالطريقة هم يرفعون الاسعار ……
وهذا اللي صاير عندنا …. وشركات معروفة تشتغل على هالاساس فبوظبي …..
أبوظبي و العين،،،، الأسعار ناااااااااار، و مستغرب منو اللي يشتري بهالأسعار؟؟؟؟؟؟
مثل ما قلت أخوي، أسعار و لا في الخيال
و ياريت الحكومة تفتح التداول في الأراضي بأسرع وقت .
أخوي ممكن توضح شو معنى ضمانات عرفيه
عزيزي وخذها علي نفس الي حصل في سوق الاسهم تم توقيف البيع والشراء لغرض في نفس يعقوب وبعدها الان بعد ما يتم تصريف اكبر قدر من الاراضي لديهم سوف يتم فتح باب التداول مع طلوع سوق الاسهم وخذها علي