السلام عليكم
ممكن حد يفيدنا كيفية أو تسلسل اجراءات الشحن واستيراد البضائع من الصين إلى الامارات ، أبغي استورد بضاعة من الصين لكن في ناس نصحوني اني اروح الصين أفضل
اذا حد يقدر يفيدنا ، بموقع مكاتب الشحن والأفضل
8 thoughts on “استفسار __(((( طريقة استيراد بضاعة من الصين وإلى الإمارات)))))”
Comments are closed.
اخوي انا ريل اختي عنده محل بضاعات صينيه ويسير الصين بنفسه واييبها البلاد والصينين معروفين بالمكر والخداع بطريقه صعبه وخبيثه وعندهم السرقه شطاره فخلك حذر
التعامل مع الصين صعب جدا!!!
انا كانت لي تجربة صعبة. احذر حتى من لسانك مب ايدك الي يوقع.
بس كون حذر جدا…لآ لآ لآ و بعد لآ تثق في اي حد
السلام عليكم ورحمة الله وبركاته ،،،
بخصوص الاستيراد من الصين فانصحك بالتالي :
1- معرفة البضاعة المراد استيرادها جيدا ومكان انتاجها ( كل منطقه وكل مقاطعة بالصين مشهورة بمنتجات معينه لذلك لا تفكر اتروح وانت ما عارف شو اللي تريده بالضبط وين مكان انتاجه ، لان الصين كبيره والانتقال بين المنطقه والمنطقه صعب وتظطر تركب طياره عشان تتنقل وهاي تكلفه اضافيه بالنسبه لك )
2- اغلب المصانع الصينيه تطلب مبلغ 30 % كدفعه اولى وانا انصح بانك بعد ما تختار البضاعه وتتاكد انها مطابقة لمواصفاتك تروح للصين تدفع الدفعه الاولى وتستلمم جميع فواتيرك واوراقك وتشحن وتكمل المبلغ وترجع ، اما اذا البضاعه تحتاج فتره للتصنيع فحاول انك تاخذ فاتورة مفصلة بالمنتجات وكل تفاصيلها ( الصينيين غشاشين يتلاعبون في ناحية المواصفات والجودة ) وتصدقها من جهه حكوميه عندهم وتبين في الفاتورة الضمان والدفعات وكل التفاصيل.
3- 70% الباقيه ممكن تدفعهن عن طريق الاعتماد البنكي وطبعا اغلب المصانع المحترمه توافق على هاي الطريقه وحط المواصفات والشروط في الاعتماد ( LC )
4- بالنسبه للشحن في حالة وجودك في الصين افضل انك تتاكد من بضاعتك بنفسك وفي حالة ان البضاعة بتتاخر وما تريد تيلس هناك اتفق ويا مكتب ثقة بحيث يخلصلك عملية الشحن ويتاكد ان مافي شي ناقص وانها مطابقة
5- فترة الشحن عادة من 20 – 25 يوم تعتمد على المنطقه اللي بتشحن منها
6- البضائع الصينيه متنوعه وفيها من السيء الجوده الى عالي الجوده ويصدر الى اوربا وامريكا
7- في مواقع وايد للبحث عن البضائع الصينيه منها : Alibaba.com – The world’s largest online B2B marketplace. بس انتبه لا تصدق كل الكلام اللي يقولونه النصب وايد
هذا اللي عندي وتمنالك التوفيق ومره ثانيه اقولك انتبه ثم انتبه من النصب والاحتيال والغش التجاري في الصين
واذا بغيت اي مساعده حاضر وبالخدمه
حمد العزاني
00971506199661