سلام عليكم يا جماعة الخير
حبيت اخذ رايكم في موضوع ذبحني من كثر التفكير اباكم تساعدوني لاني ما اعرف وااايد في هالمجال
انا ناوي اخذ سيارة , بس محتار بين Fj وبين LS430 الوارد لاني ما اعتقد احصل خليجي
بس طبعا اذا باخذ Fj باخذها من الوكالة اما اللكزس بتكون وارد وسالفة الوارد هي اللي مخوفتني الصراحه مب عارف بخصوص قطع الغيار وبخصوص اذا السيارة بتطلع زينه او لا مع انه في خاطري من زماان اللكزس بس مثل ما قلت سالفة الوارد هي اللي تخوف ياريت اللي عنده اي معلومه عن اي شي يقولها وحبيت اعرف رايكم بعد وبشو تنصوحوني ؟؟
مشكور ياخوي بس ما تقدر تساعدني او تفيدني يعني ادليني على معارض معروفه يعني عشان ما انغش وحبيت اعرف كيف اقدر اميز بين الغرقان واللي مب غرقاان حد يقدر يساعدني ؟؟؟؟
خذ اللي فخاطرك…
اللكزس سيارة ولا اروع… القطع غيار نفس الشي
وحتى المحلات عندنا مال قطع غيار اول ما تروح لهم يسالونك خليجي او امريكي!! يعني كل شي موجود ولله الحمد..
مشكورين على ردودكم الصراحه ما قصرتو
بس انا حتى فكرت اخذ استيشن اليديد بس بعد في خاطري اللكزس بس صدق مخوفني سالفة الغرقان والسامان واخوي السرداب اللي قال انه مافي فرق بين الخليجي والوارد في السامان ياريت ياخوي تفيدني اكثر يعني ابي اعرف كم سعره ايي الوارد موديل 2001 او 2004 لانه تعرفون اكثر المعارض يبون يمشوون السيايير اللي عندهم واحنا نبتلي فيها ياريت تفيديني اكثر ياخوي
اخوي حبوب بوظبي الصراحه عطيتني احلى مواتر واحسنهم الصراحه الكامري واايد حلوه ما شاء الله عليك بس ياريت لو شي لكزس خليجي مب لاقي انا دورت واااايد الصراحه والكامري ما عليها كلام فكرت فيها انا
مع العلم انا استخداماتي عاديه يعني اكثر شي في المدينة ما اسيير خطوط وااايد لانه ما عندي وقت من الدوام للكلية للبيت بس في الويكند اطلع
ياريت ياجماعه اللي يعرف شي عن اللكزس الوارد يفيدني مافيني اسيييير واخذ موتر واتوهق فيه لان شي معارض اصحابها ما تخاف الله يغشونك في الموتر ياريت تفيدوني
اخوي لا تاخذ لكزس وارد ابدا
وحتي اف جي سيارة هب حلوة
خذلك لكزس خليجي احسن اخوي
او كامري 2008