السلام عليكم ورحمه الله وبركاته
حاليا انا في الرويس وشكلي بستقر فيها
وابي اعرف شو الخدمات الي موجوده فيها والاشياء الترفيهيه
لاني الصراحه ما رحت الي المخبز وسوق الخضره والسمج ومممممممممممممممممممممم الجمعيه وفندق الدانات
وكنت ادور صالون بس مافيها صوالين؟؟؟؟
فياريت لو حد من الرويس ايقولي شو من اشياء فيها للحريم يعني جم مكان امشي فيه نادي
اي معلومه
وشكرا ^_^
انا ارووح الرويس لانه مكان عملي قريب من الرويس
الرويس فيها ..
السووق الشرقي (( محلات ..جمعية السوق العام …ومحلات تجارية . الانصاري للصرافه . محل تصوير .. مطعم هندي .. مصبغه .. محل رياضة .. بقالة .. محل الكترونيات ومحل تيلفونات ..
السووق الغربي (( جمعية أبوظبي وداخلها محل تيلفونات محل مكياجي .وبجانب الجمعية ((.. محل مال عطور آدم وحوّا .. صيدلية الرويس .. مكتبة .. الفردان للصرافة .. صالون رجالي .. واحيد انه شي صالون نسائي بجانب آدام وحواّ … مصبغة
المبنى اللي بوجه المطافي (( الطابق الارضي .. فيه بنك ابوظبي التجاري .. وبنك ابوظبي الوطني . واتصالات .. والامارات للصرافة ..
الطابق الاول (( فيه صالونات رجالية
محل مال عطور .. محلات تجارية ..
الطابق الثاني (( محلات مال رياضة ومحلات تجارية ومحل مال كمبيوتر ..
ويوجد نادي ترفيهي للنساء خلف السوق الغربي مباشرة .. خلف جمعية ابوظبي
وهناك عيادة
وشي حديقة عامة
ومحطة بترول …. وغسلة للسيارات .. وبجانب المغسلة محل لغسيل وتلميع السيارات .. وصوب المغسلة كراج للسيارات .. … ومفرووشات
مصرف ابوظبي الاسلام خلف المبنى مال المطافي .. وهناك مطعم
وهناك سوق الخضرة وجمعية ومخبز
وملاعب كرة للشباب
والحين يبنون مباني يديده
والسموحه
امممم هذا اللي اتذكره الحين
السلام عليكم ورحمة الله وبركاته
بما إني من سكان الرويس سابقا 1999-2009
احلى ما في الرويس الهدوء
حتى انا مسمنها مدينة الصمت
اللي موجود هو ما ذكرتيهم وبالاضافة على ذلك النادي الترفيهي ونادي السيئات قصدي السيدات
نصيحتي للجدد ان يمارسوا الاتي كممارسات بيتيه كالقراءة والتمارين السويدية وحفظ القران وبعض العاب السوني
الرويس ماحيد فيها قطااااااو
جان قلتي ليوا
ياحيها تفتح النفس
وكل شي متوفر مدينه متكامله
موفق بإذن الله … لك مني أجمل تحية .
ونسيت اسال فيها شغل ولا انسى السالفه ^_^