السلام عليكم اخواني
بدون مقدمات بدخل ف صلب الموضوع على طول
انا حاب اسوي مشروع وعندي رآس مال لا باس فيه
وحاط ف بالي اني ابدا بمشروع صغير وما يكلفني وايد كوني توني مبتدء
واتمنى من الي عنده خبره يفيدني
حاب اعرف كم تكلفه المغسله الي تخص (غسيل الملابس والسجاد والستائر … الخ )شامله العمال والرخصه والاجار .. الخ ) كم راح تكلفني ؟
واتمنى من الي عنده خبره يفيدني كوني ما اعرف شي ف التجاره مول
لكن حاب اتعلم وابتدي بشي بسيط عقبال ما رب العالمين يوفقنا
اشكرك اخي العزيز على المعلومه
وأخويه الغساله والمنشفـه تصلح لغسيـل السجآد والستائر ؟؟
ولا فقط للملابس ؟؟
والمكاين شرط تكون ف المحل نفسـه او في مكان ثاني ؟؟
واذا ف المكان نفسه هل المساحه بتكون كافيه للمعدات ولا لاء
بسم الله و الحمد لله و الصلاة و السلام على رسول الله
أهم شيء هو المحل , يكون في موقع جيد جدا ,المساحة ما تقل عن 20 متر مربع ( حسب قوانين بلدية أبوظبي قبل سنتين )
و أهم شي أن تكون كهرياء المحل 3 فيس ( اذا كان محل سنغل فيس , فأنصحك أنك تراجع الماء و الكهرباء و تسألهم اذا يقدرون يقوون التيار الكهربائي )
أنصحك باستعمال الغسالة الباكستانية لأن حجمها كبير , و سعرها جدا رخيص مقارنة بالغسالة الايطالية , خراباتها جدا قليلة , اذا خربت فتصليحها رخيص جدا و ما ياخذ و قت ( طبعا في أحجام على حسب رغبتك )
المجففة أيضا أنصحك أنك تاخذ النشافة الباكستانية لأنها قوية و تجفيفها جيد جدا
أنا اشتريت غسالة ( تقريبا سعة 50 كيلو مع نشافة ب 8 الف درهم و شغالة تمام و الحمد لله
هذا رقم الباكستاني الي اشتريت منه الغسالة0505414882
بالنسبة للدراير , فأنصحك انك تاخذا دراير حجم كبير , و طبعا هذي سعرها غالي شوي لانها اعتقد ايطالية
بالنسبة للمكواة البخار ( هناك كوايات بخار ب 350 درهم و بنفس كفاءة المكاين الكبيرة )
باقي الأشياء ما عندي خبرة فيها كثير
طبعا هذي المعلومات هي وجهة النظر تحتمل الصحة و الخطأ , فاسأل أهل المغاسل يمكن ينفعوك أكثر
تسلم اخويـه على المرور
وانا بالانتظآر
ان شاء الله اهل الخبره ما بيقصرون ….
up up up up
i