استفسار بخصوص المخفي (عازل الحرارة)

103 thoughts on “استفسار بخصوص المخفي (عازل الحرارة)”

1. روح ركب مخفي قوم بو عبود ب70 درهم إن كثرت وترى محد يعرف هو غالي ولا لأ

   ولو تبغي انا بعطيك توقيع لمسات اللي يتركب في الجامه الخلفيه 🙂

   1400 وكم شهر وبتبطله حرااااااااااام

   في أشياء ثانيه أولى

   خذ هديه للوالده أو لمريض أو اقضي بها اي غرض مهم احسن

   وبالتوفيق

2. السلام عليكم

   يا جماعه بخصوص الـ V kool استفسرت وكالة الفطيم .. قالوا بـعد الخصم بـ 1420 درهم .. ضمان 5 سنين .. ولا تنسون شغل الوكاله نظيف

   واستفسرت الشركة الام الي عندنا في شارع الشيخ زايد

   اتعرفوووون بكم قالوا لي هههههههههههههههه

   اغلى عن الفطيييييييييم

   سعرهم كان 1700 درهم

   بيني وبينكم كنت اشاور نفسي اني اسير اركب
   بس غيرت رايي مب عشان البيزات … عشان الضمان

   المشكله اتعودنا انه كل ما انركب مخفي .. عقب فتره نجلعه
   ونفس الشي اذا حطيت الـ Vkool في الصيف

   ع السنه الياي حزت البرد والمطر … في خاطري اشوف الغيوم والمطر .. ماروم وانا عندي الـ V kool …. بضطر انزل الجااااااااااااامه

   وحتى لو ركبته احينه وجلعته في شهر 12 ولا 1 … اسميني بغصصصصصصصصصص

   شوووووووو رايكم ؟؟؟؟

3. من اسبوعين ركبت مخفي في دبي عند واحد من محلات المخفي اللي قريبه من حياة ريجنسي من نوع 3d بقيمة 500 درهم
   التركيب كان تعيسا جدا وفوق هذا .. عقب ما روحت عنه بثلاث ايام انتبهت انه كسر لي الجامه الاماميه ؟؟؟؟
   بتسئلوني كيف ؟؟
   وهوه قاعد يركب في الجامه الاماميه قام وفك المرايه المعلقه في الجامه قلت له ليش قال عشان احط المخفي تحتها وانتبهت انه طول فيها وتجمعوا ربعه حولها ويوم سألتهم قال واحد منهم ان البرغي طاح تحت واحنا قاعدين اندوره وماعليك وبعد مرور ما يقارب الساعتين ونص خلصوا وقلت الحمدلله بخلص شغلي من دبي ووقت البدايه كان قبل المغرب .
   وبعد 3 ايام اكتشفت الكسر وقاعد يزيد ورجعت له وحاولت اتفاهم وياه بالطيب وهو يقول مش انا اللي كاسرنه وظن اني بسكت ، لكني قمت واتصلت بالشرطه وحضروا وفهمتهم السالفه فحاولوا يتقاهمون وياه لكنه قام ويقول مش انا اللي كاسرنها الى ان وصلت ان قام بإستفزاز الشرطه نفسهم وهنيه بان شجاعة شرطة دبي المواطنين خاصه حيث قاموا بسحب رخصة محله وجوازه وقاموا بتشديد اللهجه معاه وعندها “خر” هالايراني وقال خلاص انا بدفع القيمه المطلوبه مني .

   والواحد يقول عقب كل شي .. الحمدلله رب العالمين ، في (الجامه) ولا فيني

4. خيبة 4000 شو من ذهب مصنوع…
   اخوي همر وين مكانه هذا SilverArrowفي بوظبي اي شارع

   محل SilverArrow موجود في شارع المرور مقابل بنك الأتحاد الوطني وقسم الاسعاف والانقاذ الرئيسي وبعد مقابل مصرف أبوظبي الإسلامي

   والمنطقه اللي هو فيها اسمها الدفاع الجوي وتقدر تتصل للمحل على الرقم المجاني 8003456

   والصراحه شغله وايد حلو وهو وكيل لسولار جارد

   انا اشوف ان اسعار المخفي الحراري مبالغ فيها وايد إلا في حالة إن الواحد يركب المخفي ولا يفكر يشله لأنه حرام تركبه بمتوسط سعر 1000 درهم وتشله خلال شهرين او 3 شهور

   عيل وين الظمان وشو الفايده من الحراري والعازل وماعرف شو

5. اما نصيحتي انا فأعتقد انه المحل الي اسمه شــــــــــــــــــــــامل فشارع الامارات (الشارقه) مقابل الفلاح تقريبا يركب مخفي اسمه سولر جارد ممتاز وعليه ضمان 5 سنوات . .. . .. . .. . :064:

Comments are closed.