السلام عليكم لكل الاعضااااااااااااااء والزوار
اخواني انا قررت ادخل بسوق الاسهم ان شاء الله
بس ياريت حد يقولي كيف ابدأ
لا تعظوني رابط لموضوع اريد حد يفهمني بشرح بسيط وبياخذ ثواب ان شاء الله
استفساراتي هي :
كيف افتح حساب للاسهم ؟ وهل اقدر اشتري والسوق مغلق على سعر معين ولا لازم اشتري وقت التداول ؟
بدخل بالبداية مبلغ 10000 درهم للتجربة وانا اريد ادخل كمستثمر على المدى الطويل
الاسهم الي سمعت انها حلال دبي الاسلامي وان شاء الله ناوي اخذه
بس شو وضع سهم اتصالات ؟ هل هو حلال ام حرام ؟
وبعد سهم الدار وسهم طاقة ؟ حلال ام حرام ؟
وفي اسهم حلال غيرها تنصحوني فيها ؟
واريد افهم اذا الاسهم تمت عندي فترة ، سمعت ان الشركة الي انا اكون مساهم فيها تعطيني ارباح على شكل شيك يوصل بالبريد او الاستلام باليد من مكتب الوساطة
السؤال كيف يكون نسبة الربح ؟ وشو عن الزكاة ؟ وكيف عمولة المكتب الوساطة ؟
واخيرا اريد اعرف احسن مكتب اسلامي ، وهل اقدر افتح حساب ورقم مستثمر اليوم ؟؟
ان شاء الله بفتح حاب خاص بمصرف الهلال الاسلامي بس خاص للاسهم فشو رايكم يا جماعة الخي ر
اخواني ادري ثقلت عليكم بالاسئلة ، بس سمعت وقرات اكثر من منتدى ان هذي الايام فرصة تاريخية لشراء الاسهم للاستثمار على المدى الطويل
سوق العقار مشكلته انه اي تمويل لااااااااازم دفعة اولى ، وبعدي ما عندي كاش للدفعة الاولى !
عموما يا اخواني الي يساعدني بياخذ اجر الدنيا والاخرة
ويزاااااكم الله خير
والله يوفق الجميع اميييين
ياخوي انته صدقني انك ربحان …من كلامك شكلك مول مادخلت الاسهم…ياخوي خل الكاش عندك…صدقني ما كلمت حد وقالي انه طلع بفايده من سوق الاسهم..كل ها الي تشوفهم يالسين يرقعونها وانا منهم هههههه..والسموحه منك
مشكورييييييين يا اخواني
والله افدتوني كثيرا
زين وين تنصحوني بمكتب اسلامي في ابوظبي
وهل لازم افتح حساب خاص للاسهم باي مصرف ؟
وننتظر اراء الخبراء
عشرة الف درهم ماحد يدخلبهن السوق ..
اولا استخرج رقم مستثمر من سوق ابوظبي وسوق دبي … ثانيا افتح حساب في مكتب وساطه وأفضل يكون اسلامي… شراء الاسهم يتم خلال وقت التداول فقط.. شرعية الاسهم ممكن يفيدونك مكتب الوساطة اكثر
ا اخي بخصوص فتح حساب مستثمر لازم تزور سوق دبي المالي وسوق ابوظبي المالي وتفتح حساب مستثمر من عندهم وفي مكاتب وساطة تقدم لك هذه الخدمة وتساعدك على فتح الحساب من غير ما تزور السوق مثل الشارقة الاسلامي للخدمات المالية وهذا رقمهم 065992527 اما بالنسبة لوقت شراء الاسهم طبعا فقط بأوقات التداول تستطيع الشراء وطبعا الشراء بيكون اما بالاتصال على البروكر او عن طريق الانترنت-اما بالنسبة للاسهم الحلال والحرام شركات التداول التابعة للبنوك الاسلامية تمنع التداول باسهم الشركات المشبوهة يعني مش محتاج تسأل بتحصل القائمة موجوده عندك بمجرد ان تفتح حساب التداول-وبخصوص ارباح الشركات اللي توزعها على مستثمرينها تكون سنوية ونسبتها غير ثابتة وتعتمد على ارباح الشركة السنوية بالسنة المالية وموب شرط تكون شيكات ومبالغ نقد ممكن تكون اسهم منحة