السلام عليكم ورحمة الله وبركاته
اخواني ابي منكم شور في هذا الجرم هل ينفع ولا لا واذا ينفع تقريبا كم يكلف اعادة ترميمه
مع العلم حسبت كم قدم وطلع لي 36 قدم والجرم نضيف بس انه مرمي والظاهر صاحبه مايبيه
فحبيت اخذ رايكم ان كان ينفع راح اشوف من هو صاحبه واخذه من عنده واذا ماينفع ماراح اخذه
هذي الصور الي اخذتها للجرم واعذروني على الاطاله
اخوكم
ابو اسيل
يا اخوي شكله بكلفك كثيررررررررر لانه وشكله خررده ..
حتى لو صلحته بتم جرف قديم ولازم تعمل له صيانه دوريه ..
خذ لك طراد شغال وسليم وهذا يا اخوي مرمي رميه كانه طايح بسكراب
مرحبا اخوي
هذا الطراد مايصح للصيد لانه يتراما في البحر واكيد بتكون تكلفه صيانته عاليه جدا اصرف نظر عنه لانه يبى شغل وايد واعتقد انه هذا الطراد يستخدم في التهريب لانه مسويله بركت ومركبين عليه اربع مكاين وكانوا عقب المصادره حرس الحدود يبيعونه في المزادات المصادره.والله يوفق الجميع
الصراحه شكلة بيكلفك وايد
بعدين لو فيه خير ما رماه صاحبه هاي الرمية
بيكلفك واايد لو تاخذ طراد يديد احسنلك
بتتعب لين ما اتعدله
ماشاء الله بصراحه ماتوقعت اني الاقي هالردود الطيبه هههههههههههههه لدرجة ان كل الي دخلوا
على الموضوع 17 وكلهم ردوا ماعداي قصرة عليهم كلهم