سلام عليكم ورحمة الله وبركاته
شحالكم شو علومك ….. شباب يقولون ان الارمادا الدبل مالها مبشي وخراباتها واييد وعيوبها وايييد وتصرف وايييد ومب مريحة على الخط ام الشي الزين فيها مواصفاتها وسعرها وكراسيها الخلفية احسن عن السوبربان السوبربان ما عليه كلام بس الشي الي مب زين فيها كراسها الخلفية وايييد نازلة شو الحل
الصراحة نحنا كان عندنا gmc كان فنان يوم رحنا نبيعه ياب 20000 درهم والسيارة نظبفة وبدون حوادث يوم سالنهم ليش قالو امريكي خلك علي الارمادا ارخص واحسن والياباني اضمن
مشكورين يا شباب وانتظر اراء الاخرين
أنا أقول إن الأرمادا مافيها حيله
سياره بمعنى الكلمه وعن سابق تجربه
عندنا وحده وأنا أكثر من أستخدمها والسياره ماشيه حالياً فحدود ال 80 ألف خلال سنه ونص
السياره خفيفه ومصرف بترولها عادي بس فعلاً تدخل هوى على سرعة ال 140 وفوق وبخصوص الدبل فماجربتها فالبر
والسوبر بان بعد مافيها حيله مريحه جداً بس الأرماده عمليه أكثر بحكم حجمها المعقول
و أنا مع راعي Gxr
تبي الصراحه اخوي بالنسبه لارمادا احس انها ثقيله على الخط وفيها صوت هوا هذا طبعا بعد تجربه ولكن انا اتكلم عن سياره ماشيه فوق 100 اما بالنسبه للسوبر بان فلا يعلا عليه وذلك لانها سياره لها تاريخ وسياره مريحه وقويه والدليل على ذلك استخدامها من قبل اخوانا السعوديين مما يدل على تحمل السياره بعكس الارمادا التي تحس ان ديكورها الداخلي مجرد تركيب قطع
واخي العزيز القرار في الاخير يرجع لك