السلام عليكم ورحمه الله وبركاته…
مساكم الله بالخير يالغالين…
بصراحه قبل يومين رحت العياده سويت فحص طلع فيه كلوسترول ودهون بعيد عنكم يارب…
طبعااا طبيعه عملي ماتسمحلي اطلع واسوي رياضه…
ياريت حد ينصحنا شو احسن الات واحسن الانواع ووين ينباعن وسعرهن حلو…
او اذا حد عنده ويبا يبعها وتكون نظيفه حاضرين…
انتظر ردكم…
اخوكم…راعي الهمر…
بالتوفيق ان شاء الله
عليك بالريجيم و الشاي الأخضر على الأقل 3 أكواب يوميا
انا مسوي ريجيم:
الصبح: 2 سلايس جبن قليل الدسم (أو بيضتين بدون الصفار) + خيار و طماط و خس + عصير برتقال بدون السكر
الظهر: مشاوي مشكله على قد ما تبا (بدون خبز)
المساء: سلايس جبن أو مرتديلا قليل الدسم + خضروات
كل الأوقات: شاي أخضر – عصير جريب فروت طازج أو لاكنور – كوفي أو شاي أو قهوه – فواكه
نهاية الأسبوع: وجبه واحدة فقط في اليوم أي أكله من اللي يحبها قلبك
مشي سريع 3 مرات في الأسبوع على الأقل لمدة 30 دقيقه، و اذا تبا تعرف كيف المشي السريع: هو انك تخلص مسافة كيلو في خلال 10 دقايق تقريبا أقل أو أكثر شوي، مب مشكله. يعني 3 كيلو في 30-35 دقيقه تقريبا
اذا التزمت، بإذن الله تنزل وزن مب أقل عن 3 كيلو في الأسبوع، لكن لا تطول بهالريجيم أكثر من شهرين.
الله يعافيك ان شاءالله، و مثل ما قالت الأخت : الحور، ترى الكوليسترول بسيط تسيطر عليه، لكن لا تتهاون أبدا
بالتوفيق ان شاءالله
السلام عليكم
اول شي ادعي ربك ان يشفيك في كل صلاة
وثاني شي ابتعد عن أكل المطاعم , والاكلات الدسمة , وعليك بالخضار والفواكه وأكل البيت
وثالث شي ,, الرياضة الرياضة الرياضة
على الاقل لو ساعة مشي سريع ومع الايام بتتعود على المشي وبتركض
والله يبعد عننا الامراض يا رب
اخوي الحووور تسلم وماقصرت فيك الخير…
والله يبعد عنا الامراض يارب..ز
جزاك الله خير…
السوق الصيني ابوي ماخذ عنهم واشوفها حلوه
وربي يعافيك وقبل الرياضه اهم شي الاكل الصحي وترى الكرسترول بسرعه تقدر اسيطر عليه ارحم من السكري ربي يبعده عنا