الحمد الله شحنة التلفونات اللي لها شهرين اليوم العصر استلمتها 
طبعا انا طلبت من هادف التلفونات التالية
2 جوال تقليد n95 8gb زي اللي بالصورة هذي
ومجموع قيمتها مع الخصم اللي مسوية لي 1200
وجوال الساعة الهونداي زي اللي بالصورة هذي 
وقيمتها 800
وجوال جاكي بوكس الصغير زي اللي بالصورة هذي 
وقيمتة 350
مع انة ارسل لي جوال مثلة قبل فترة وللاسف ماشتغل وبلغتة من يومها وقال بيرسل بدالة الكلام هذا من سنة
ولاشفنا شي
وقال برسل لك اي بود هدية لانك خذيت منى كمية مو هذا المهم
مجموعة قيمتها جميع 2350
المصيبة تكمن بالاتي
هذي صورة كرتون الجوالات اللي وصلت وكانت مستغرب الوزن
بس قلت يمكن اوزانها قليلة بما انها تقليد
الوزن الكلي 1350 جرام وهذا وزن جهازين بكراتينها واكثر
ولما فتحت الكرتون شوفوا وش في داخلة 
طبعا جهازين n95 عادي اجهزة فقط كراتين فارغة مافيها الا اجهزة وواضحة بالصور
ابي حكمكم ولا ابي حقي منة هو ابي حقي من ادراة المنتدى اللي عن طريقها
وصلت لهادف وهذا من ثقتى بهذا المنتدى وبأدارتة اللي شفت منهم اشادة
على نزاهة هادف وصدقة
انخدعت بالايات والاحاديث اللي كان يحطها تحت كل موضوع ينزلة
وقلت هذا يخاف الله ولايمكن يخدع او يكذب
والمشكلة الادها والامر انة ماوصلني الا جوالين n95 والموديل القديم
ومو كذا كلها مستعملة ومخشة شوفوا الصورة اتمنى تكون واضحة
ومشغلة قبل ومليانة رسائل وارقام ولا غير كذا لقيت في واحد شريحة
جوال ولما شيكيت عليها واتصلت على جوالي
طلع رقم هادف الرديف لرقمة
00971555885818
ومباشر قلت اتصل علية لانة مستحيل يرد على تلفوني السعودي لانى
اتصل فية من قبل من شهر ولايرد على
ولما اتصلت رد مباشرة وتعذر انة مو هادف مع اني اعرف صوتة من بين الف واحد
وقال انة اخوة وبعدها فصلت الشريحة وهي موجودة عندي
واذا هو كذب الكلام هذا هذي صورتها 
ومستعد اثبت انها هي بالرسائل والارقام المخزنة بالشريحة وبالصور بعد
والثالث جوال مدري وشو جاني كرتون بس وفية شاحن وسماعة وهذي صورتة 
اخواني يشهد الله ان هذا اللي صار وتنشل يدي اذا كتبت غير الحقيقة او اتبليت علية بش
السؤال هل هذا التعامل والخداع يصدر من شخص يحسب على الشعب الامارتي ؟؟
وهل يحق لي ان اكتب هذا الموضوع ولا ؟؟
ارجوا من الادارة مراسلتي على اميلي لايجاد حل لهذا الشخص
s.59@w.cn
وهذا تلفوني
00966504405959
مب سالفة ناس مالها خص يا طيب بس الساكت عن الحق شيطان اخرس …… المسرحية لي مسونها هادف و ربعه تقهر و تحس جنهم يستهبلون الناس و الاعضاء بكلام ما يدش عقل ياهل و هالشي يقهر بصراحة و يرفع الضغط لانه الانسان ما يرضاها لا علنفسه و لا على غيره.
صدق كان الواحد يطالع فلم هندي !!!
الريال يطالب بحقه و الاخ هادف للاسف رده هجومي و تهديد و يكلم الريال و كان الريال طرار !!
اخوي هادف انت سمعتك زينة في المنتدى فلا تخليها شينة بسبب سوء تفاهم او غلطة غير مقصودة ، بعدين الاخ راك اس ال جزاه الله خير تدخل عسب يحل الموضوع وللاسف ردك اللي عقب رده احرجته لان الياهل بيفهم انك ما قلت له يتدخل و هو تدخل من تلقاء نفسه و انت رديت تتوعد الريال و تقول كلام ما له داعي . فهل هذا تمثيل ام ماذا يا كرام ؟
انا ما اعرف الريال و لكن اثباتاته موثقة بالصور ، و للاسف شركات الشحن ما بتفتح الكراتين و تشيك على اللي داخلها يوم تطرشها ! و بالنسبة لموضوع بطاقة دو فكيف جت ؟ و انت قلت انك قاطعنها من شهرين مع انه هالكلام غلط و انت عارف هالشي !
اخوي حل المشكلة ما يكون بالهروب منها و لكن بمواجهتها و ترانا مب معصومين و كل حد يغلط
اي واحد عنده عقل يفكر فيه بيعرف مين الغلطان و مين صاحب الحق لانه الكلام واضح و للحين ما اثبتت شي يا اخ هادف .
اخوي اذا انت مستحي من الاعتراف بالغلط فاسكت و خل الاخ راك اس ال يحل الموضوع بالنيابة عنك و بدون لا تتدخل و تخربط بالكلام
و السموحة من الجميع على الاطالة و لكن فعلا شي يقهر يوم تحس انه حد يالس يستغفلك و يتمسكن جدام الكل
يا جماعة الموضوع اكبر من سالفة هادف و غيره ….. الحبايب مسوينلي مسرحيات هني و الاخ راك يقول اونه هادف عنده ظروف عائلية تمنعه يرد !!!!!!!!!!!! انزين هاذو طايح في المنتدى من الفجر لين في الليل و شوفو مشاركاته!! بعدين ظروف عائلية ما يخصها باموال الناس !!! و الظروف العائلية ما اعتقد تجبرك تطرش موبايلات غش حق الناس !!! والشي الاهم ليش هادف يا راك انكر موضوع بطاقة الموبايل و قال انها مقطوعة من شهرين !!! رجاء لا تسوون مسرحيات و مثل ما قال حد من الاخوان انه هادف بيطرش ربعه يدافعون عنه !!! قال شو ظروف عائلية !!!!!!!!!!!!!!!!!!!!!!
خل حد منكم يرد رد مقنع اول !!!!!!!
رولكس
الله يعينكم ويهديكم ان شاء الله,,
ناس مالها دخل في السالفة ما تدري من وين يطلعون
خلاص السالفة وانتهت
على شو الزيادة في الكلام ؟؟!!!!