السلام عليكم ورحمة الله وبركاته
الاخوة الاحباب سالوني عن العطر طبعا الزبائن وقالوا انه بنشتري عنك لو يبته هل من مشتري؟
ونحن لو نبغي نطلب هذا العطر من خارج الدولة ومن الشركات الفرنسية لازم نضمن الزبائن لانه البضاعة بتكون غالية والدفع بيكون كاش ولكميات كبيرة ويعني راح ندفع وايد علشان البضاعة توصل الامارات ومصاريف الشحن وغيره
فهل من مشتري ؟
يرجى ارسال رسالة 0508388030
اذا الله وفقني ويبته
ببيع حجم 100 مل والسعر=
ما اقدر احدد لازم اعرف سعر الزيت في المصنع عندهم
ونحن طلبنا من احدى الشركات بلاك افغانوا ومن يومين طرشنا لهم ايميل وامس قالوا لنا انه في منه 4 انواع وانا ع كلام الشباب ابغي اييب بس بلاك
عموما ياشباب انا بسعى لكم وان شاء الله خير
طرشوا لي رسايل 0508388030
الاسم
العنوان
الكمية
وشكرا
وين ينباع هالعطر اذا ابا الاصلي ,, بحصله فباريس غالاري ولا مكان ثاني ,, بنجربه واذا يستاهل بنشتريه ,, لاني على ما اظن سامع عنه بس مش متاكد واذا حلو بشتري الاصلي بس دلوني عمكانه ,, ^_^
شوف يا بن همام … العطر الأصلي ما عليه كلام وسعره في حدود ال 500 الى 600 درهم …و طبعا .. موضوعه بيستوي نفس موضوع تاسكن لذر .. الي أول ما طاح كل حد سواله كم خلطه على اساس انه يوصل لنفس ريحة و مستوى تاسكن لذر ويبيعه بسعر ارخص بوايد عن الأصلي … لاكن الأصلي غيير … و التقليد غير .. مافي مقارنه بين عطر اصلي و عطر تقليد ..فما بالك بالعطر الي مسواي من خلطات وفي البيت ..؟!!… الي يحب التميز بيدفع .. والي يبا يقص على عمره و يتعطر بعطر مقلد ..ما بيحصل عطر بنفس مستوى الأصلي .
أخوي أنا باخذ واحد .. بس أول شي أبى أشم ريحته وثانيا السعر يكون مناسب .. وموفق أخوي
هلا وغلا
حاضر بس مثل ماوضحت لكم احبابي انه جاري المفاوضات واذا قدرت اييب العطر فالكم الطيب وراح اجرب اعطي تسترات للشباب مجانا علشان يجربون اذا اوكي ببيعه لكم
تواصل
هلا الشيخة شكرا للافادة وان شاء الله خير
حاليا نتريا رد من صاحب المصنع وامس كان عندي اجتماع مع الشركاء كنا نتكلم عن العطر ومدى نجاحه في حال تم استيراده من الخارج