السلام عليكم

شحالكم شباب عساكم بخير … حبيت احط موضوع انفيد ونستفيد من بعض وهو :
1 شو نوع سيارتك
2 شو مديلها
3 بلد الصنع
4 مميزاتها
5 عيوبها
6 سعرها عند الشراء
7 سبب لاختيارك لها
8 كم سلندر + عدد احصنتها اذا امكن
9 شو هي الزوايد الي عليها
10 عيب وكيل شركة سيارتك
11 سيارتك المفضلة الي افتقدتها

واذا في حد عنده اضافات لا يبخل علينا واتمنى من الجميع المشاركة فيه : )

9 thoughts on “ادخل وشاركنا … شو نوع سيارتك … الخ”

  1. يا جماعه الموضوع مب سالفة عرض صور مواتركم ..

    الموضوع كل واحد يعرض الموتر اللي عنده و نوعه و مواصفاته و عيوبه و سعره و غيره و غيره للفائده

  2. عندي حاليا سيارتين
    استيشن vxrموديل2010

    وعندي رنج فوج2009

    السيارات الي افتقدها
    بي امx6اول مانزل وتكنسل
    قدرالله وماشاء فعل


    فتك موديل2007
    صورته في المسيره

    الثاني فتك ولدعمي

  3. 1 شو نوع سيارتك كابرس رويال

    2 شو مديلها 2009

    3 بلد الصنع استراليا

    4 مميزاتها ما تصرف بترول وايد بالنسبه لحجم مكينتها و لما تثبت السرعه 120 و تحت يشتغل بنظام 4 سلندر ، شاشه يدام و شاشتين خلفيات بسماعاتهم ، بلوتوث للمايك ، عداد الكتروني ، كمبيوتر يقرا ضغط التواير .. و ماعرف شو فيها لانه ها اللي استعمله خخخخ

    5 عيوبها بصراحه الكواليتي مالها مب عايبني .. احس البدي خفيف مب قوي .. التخشيبه اي شي .. بني غامج تقول و بلاستك ..

    6 سعرها عند الشراء اعتقد كانت ب164 الف مع ضمان خمس سنوات 100الف كيلو ايهما اقل =)

    7 سبب لاختيارك لها حاولت ادور موتر يجمع بين القوه و المواصفات .. على هالسعر مافي موتر اقوى و مواصفاتها اكثر

    8 كم سلندر + عدد احصنتها اذا امكن 8 سلندر 362 حصان

    9 شو هي الزوايد الي عليها شاري فلتر يديد اسمه رام جت يعطي 32 حصان ع الويل .. محد يعرف يركبه توهقت ماعرف وين اسير

    10 عيب وكيل شركة سيارتك عيبه كثرة الاستهبال .. تقوله صلح الاشياء .. يقول انشالله انشالله و لما تستلمها طاف ما مصلح شي .. شويه ارفع صوتك و سو عمرك معصب .. عقب بيصلحون كل شي

    11 سيارتك المفضلة الي افتقدتها خخخخخخ هوندا اكورد 2007 لعبت فيها لعب لين دعمت زباله ونتو بكرامه و بعتها

  4. موضووووع حلوووو

    1-شو نوع سيارتك: رنج روفر سبورت
    2-شو مديلها :2007
    3 بلد الصنع : بريطانيا
    4 مميزاتها : وااااايد(شاشه- سيتات متحركه – تحكم بالاستيرنج – ووووووو)
    5 عيوبها : السيتات غير مريحه ابدا
    6 سعرها عند الشراء:165
    7 سبب لاختيارك لها : دشت خاطري وقلت ايرّبها
    8 كم سلندر + عدد احصنتها اذا امكن : 8 سلندر
    9 شو هي الزوايد الي عليها : كله وكاله
    10 عيب وكيل شركة سيارتك : التأخير في السيرفس 3 ايام لتبديل الايل والاشياء العاديه
    11 سيارتك المفضلة الي افتقدتها : بأمانه خاطري اجرب الكزس ls600h

Comments are closed.