اخواني واخواتي عندي فيلا وابا اصبغها فساعدوني الله يخليكم

14 thoughts on “اخواني واخواتي عندي فيلا وابا اصبغها فساعدوني الله يخليكم”

1. محلات اثاث اذا تحب الخشب الجديم عندك محل مارين فصحارى
   وعندك الحذيفه في دبي اسعارهم حلوه مناسبه وعندهم تشكيله واسعه
   وعندك حول الامارات اسعارهم حلوه واشوفهم اتطوروا قاموا اييبون تشكيلات حلوه
   اذا تبا شي راقي ويكلف شي وشويات بس فخم عندك المفروشات المركزيه على شارع المطار بس بصراحه اسعارهم غاليه يعني في غرف عباره عن شبريه وتسريحه تبتدي اسعارها من 37 لين 90 بدون الكبت
   انا بصراحه لفيت ولفيت ورديت عليهم لان اثاثهم مميز ما بتحصل نفسه فاي محل ثاني بس ما يسوى سعره بشهادة كل اللي شافوا غرفة نومي بس ما يمنع تلقي نظره

2. وبعد سمعت انه في ارضية شكلها يشبه الخشب بس مب خشب وهي وايد حلوه في ناس مدحوها لي شو رايكم ولو سمحتوا بعد ابا محلات اثاث حلوه وراقية وبنفس الوقت اسعارهم حلوه

3. مشكورين وما قصرتوا بس اذا تعرفون ناس في ابوظبي بعد وايد زين مب مشكلة انا بتصل في ها اللبناني وبرمسه والله انكم ما قصرتوا ويزاكم الله الف خير

4. اخوي اسير بالنسبة للصبغ اذا تبا ناس محترفين وشغلهم ماعليه غبار ويحولون لك البيت قصر عندك واحد اسمه بو علي لبناني شغله رهيييييييب ويعرف شو تبا رقم تيلفونه 3971771 انت ممكن اتيبهم وهم بيشوفون البيت وبيعطونك اسعارهم واذا ما عيبك السعر البسهم عادي
   وعندك اصباغ اللولو اسعارهم حلوه وصبغهم ممتاز بييب لك رقمهم جان تبا وهم بينصحونك بالالوان وعندهم ديزاينات اشكال وانواع

   بالنسبه لورق الجدران حلو بس عمره مب طويل الصبغ الرخامي احلى ويتم مده اطول

   بالنسبة للارضيات الجرانيت مثل ماقال Rak_sl
   وعندك السيراميك المات المعتق حلو ودارج بس ما انصح فيه حق الصالات والميلس بس حق الغرف اوكي
   اذا اتدور الرخص بس نوعيات زينه عندك الصناعيه رقم 4 ف الشارجه
   سيراميك راس الخيمه فنان ورخيص
   بسال لك عن محل فدبي عندهم ارضيات حلوه بس نسيت اسم المحل بتخبر الاهل وبرد عليك

5. حط قرانيت الارضيه مب بارد ووايد حلو .. بعدين اقولك الباجي

Comments are closed.