السلام عليكم ورحمة الله وبركاته ،،،
اخواني واخواتي اعضاء المنتدى الكرام ….
انا اقترح على ريلي ان نشتري بيت في الرحبة ولا في السمحة ،،،، بس البيت ما يتملك
ونحن بحاجة ماسة للبيت ،،، ريلي مب متحمس لشراء البيت ،، يقول انه بيتسلف ويخاف البيت ينسحب بعدين ويتم يدفع ديون ل 25 سنة او اكثر
وانا مب متحملة البيت اللي ساكنه فيه ،، من مشاكل والبيت اللي انا ساكنه فيه ماشاءالله كم عايلة فيه وايد ،،
شو رايكم في مشاكل في المستقبل ولا لا
بتقولون قدموا على بيت او ارض احسن لكم
قدمنا في البداية على بيت شعبي ،، وبعد 6 سنوات غيرنا الطلب الى ارض ،، وحصلنا ارض في جنوب الشامخة ،، ويقولون الخدمات مابتي الا بعد 5 سنوات او اكثر
وسرت ديوان محمد بن زايد وكلمتهم ،، مارضوا ياخذون اوراقي على اساس انهم يبدولون الارض ببيت شعبي
وانا صدق صدق صدق تعبت من العيشة اللي انا فيها ،، ومب رايمة اتحمل اكثر
شو رايكم
محصلين بيت في السمحة ب 3 ملايين بس من غير تنازل ،،،،
بانتظار ارائكم
ودعواتكم لي بان الله يفرجها علي واسكن انا وعيالي في بيت بروحنا ،،،
اصبري اختي واستغفري والله بيفرحها
الله يوسع عليكم
وليش هالبيت بالذات ومن غير تنازل
والله انا اعرف ناس قرايب اخوان واحد عنده فله وباني فله ثانيه والثاني عنده ارض وكان ساكن البيت عدال البيت ويوم تبادلوا وطبعا صاحب الارض زاد اخوه فلوس طبعا الفله ما تسجلت باسمه لانهم مايقدرون
كل سنه ايي الاخو راعي الفله سابقا يطالب بفلوس يقول انتو قصيتوا علي الفله اغلى من الارض اونه
تخيلي هذيلا اخوان
الدنيا مب مضمونه وحرام تخلين ريلج يتسلف عشان بيت
تحملي شوي وان شالله بتحصلون بيت بقيمه طيبه وعلى قدكم يلين الله يفرجها ويظهرلكم بيت
الله يوفقج اختي
ان مع العسر يسرا
ولا تنسين
ان الله مع الصابرين
الزمي الاستغفار بينفتح لج الف باب
اولا اختي الله يفرجها عليكم
وتنحل المشكله
ثانيا الافضل انج تصبرين والصبر مفتاح الفرج
المبلغ مش بسيط وهو عباره عن دين والبيت مش ملك
محد ينظمن في ايامنا هذي لا تغامرين اختي والله سبحانه بيعوضج خير بكل تأكيد تفائلي
واستخيري الله في كل خطوه وامورج بتكون طيبه بإذن الله
اول شي يا مرحبابج اختي امبنا في منتدانى الغالي
وثاني شي من صوبي اقول حرام تاخذون بيت بثلاث ملاين من دون تنازل الدنيا ادور وما تظمنين شو يصير بعدي صح لو انكم بهالمبلغ تبنون او انكم اتحصلون بيت بس ابتنازل حتى هب بس ليكم حتى لعيالكم بعد عمر طويل
وربي يوفقكم ويحفظكم
وبعون الله الاعضاء الباقين ما بقصرون في ارئهم
وليج مني اجمل تحيه لعضوه جديده