حد ايعرف كيف اقدر اشتري عن طريق الانترنت….

انا سمعت انه في شي اسمه الدرهم الالكتروني ….لاانه بالفيزا اتصير احيانا سرقات

فاللي عنده فكره اساعدني….وتسلمون

20 thoughts on “ابغي اشتري بالانترنت .بس ما اعرف..ساعدوني”

  1. مرحبا اخوي المفلس ….
    اتصلت للبنك الحين علشان اتأكد من الموضوع اكثر … حاليا ما عندهم بطايق مخصصه للنت لانها موقفه
    بس الحل اللي يقترحونه (وهو نفس اللي قلته توني ) انه تسوي بطاقه فيزا كارد تابعه وتحط لها مبلغ محدد مثلا 1000 درهم بحيث انه اذا مثلا حصل اي خطا او سرقه ما ينسرق من بطاقتك اكثر عن المبلغ الباقي فيها … واذا مثلا تريد تزيد المبلغ تتصل بالبنك وتبلغهم
    اما اجراءاتها فهي اجراءات استخراج بطاقه فيزا عاديه
    عموما البطاقه التابعه تفرق عن العاديه بشي اللي هو اذا كان اللمت مال البطاقه الرئيسيه 10000 الاف مثلا فالمبلغ اللي تحدده يكون جزء من هالمبلغ بحيث انه
    مجموع مبلغ البطاقه الرئيسيه + مبلغ البطاقه التابعه = المبلغ الكلي … اللي هو 10000 في هذا المثال …
    انشاء الله اكون وصلت المعلومه وما اخطأت في شي واذا حد يقدر يزيدنا يتفضل
    وعلى كل للتأكد وللمزيد من التفاصيل يرجى الاتصال على الرقم المجاني 8004008
    (انشاء الله اكون افدتكم بس وما عورت راسكم )

  2. الغالي ظبياني وحيد
    ممكن توقولنا شو الإجراءات اللي لازم تسويها
    انا عندي حساب فبنك دبي الإسلامي وعندي بطاقة حق النت بس عن طريق بنك الإمارات
    وعلا حسب كلامك هاي نفس طريقة بنك الإمارات
    مع العلم اني من سنتين “قبل لا أفتح حساب فبنك الإمارات” سالت عنها في دبي الإسلامي والموظف دلاني على بنك الإمارات

    فخلنا ناخذ الإسلامي
    اتريا ردك

  3. في حل ثاني انج تطلبين من البنك اللي تتعاملين(انشاء الله بنك اسلامي علشان نبعد عن الفوائد البنكيه الربويه :dgg545855 ) به فيزا كارد بقيمه محدده مسبقا خلنا نقول 1000 اللمت مالها او مبلغ تحددينه لهم بحيث لا قدر الله انسرق من الفيزا او رقمها وصل لمواقع نصب او ما شابه ما يضيع عليج مبلغ كبير
    انا عندي استخدم نفس الاسلوب بس عن طريق بنك دبي الاسلامي:075:

  5. بطاقة يو كاش ينقعون خيانات..و المستخدمين يدرون بهالشي..تتسكر البطاقه و لو فيها رصيد و عقب يقولولك اجلب ويهك…استوت حق اخوي و حق كمن نفرات بعد كانو يشتكون في النت <<:064:

    الدرهم الالكتروني تروم تاخذه من بنك دبي الوطني بس هذا ما يصلح للشراء من المواقع العالميه

    في بطاقه خاصه للنت يقدمها بنك Hsbc تستخدم للحجوزات بالتلفون و الانترنت..و بس و تقدر تحط عليها لمت << هاي انا جربتها و الحمدلله ما صارت اي مشاكل

    اذا تبغي كردت كارد لفتره مؤقته تقدر تاخذ من ارامكس…الموظف يكون موجود العصر تسير له تعطيه المبلغ المطلوب و يعطونك كردت كارد معتمده اظن انها فيزا او ماستر كارد ما احيد..بس بمجرد ما يخلص رصيدها تنتهي..و تقدر تعبيها << ما جربتها بس ربيعاتي يمدحونها

    بالتوووفيق:075:
    اوووه معلومه ما كنت ادري عنها
    شكرا Dubai Baby

Comments are closed.