اخواني عندي مشكله في دفريشن الرنج .. وطبعا الموتر بدون ضمان موديل 2008 سبورت سوبر جارج
المشكله…. وجود صوت في الدفريشن الامامي وديته كراج متخصص في الرنج فطلب في المره الاولي تبديل دفريشن كامل امامي …. ورجعت له بعد فتره شهرين فخبرني ان الدفريشن الخلفي بعد يباله تبديل وبيكلف مبلغ كبير .. وبعد طلب تبديل فلتر الكوندنسر … اللي ما اعرف شو موضوعه
سؤالي اولا هل من الظروري ابدل دفريشن كامل والا ممكن ابدل بعض القطع اللي في الدفريشن
ثانيا الاخوه اللي صارت لهم هالمشكله في الرنج وين صلحوا الدفريشن وهل بدلوا الدفريشن بالكامل والا بعض القطع وكم كانت الكلفه لاني مريت اربع كراجات وكل واحد يعطيني طريقه للتصليح وبمبالغ مختلفه
شكرا لكم جميعا وانتظر النصايح الطيبه
السلام عليكم
اخويه الونه في الرنج هب من اليوم انا من استويت
اسمع الونه هاي تقريبا في كل الرنجات وبتحس بهالونة
بعد في اللاند روفر (الدان دان) شي طبيعي
لكن اذا الونه اتحسبها عاليه خذ راي اخوك وخلها
لين مره ايطيح وعقب بدله
لكن اذا وديته الحين ودخلته الكراج اقولك عقبها بيعه
لان هاي الكراجات من اتدخل السيارة في مشكلة
عقب ما تطلعها بتيك مشكلة ثانية وعلى هالموال لين
اتمل واتبيعه
والله ايوفقك
مشكووور بودانه كفيت ووفيت وانتظر شور الاخوه والا بخليه لين يون على طول
الغالي اذا عندك صوت فالدفريشن لازم تبدله لانه مايتصلح
والدفريشن مشكله معروفه فالرنج والسبب القومه (لاتدعسه واااايد عند القومه)
وطبعا تبديل الدفريشن مع الاويل بـ800 درهم(التبديل فقط) عند اي كراج خبير فالرنج
الدفريشن الخلفي تقريبا بحدود 5000 الى 6000 درهم
ولاتضيع بيزاتك بتبديل الاويل وغيره لانه ماله حل الا التبديل
واذا كان الصوت خفيف خله يولي لحد مايزيد الصوووت واااااايد
مشكور اخوي وما قصرت
ومازال البحث مستمر
ماعندي خبره في الرنج ..
يفيدونك اصحاب الخبرة
لو الدفريشن عندك فيه ونّه عالية الاحسن اتبدل الدفريشن .. >دفريشن فقط بدون الاكسلات
حاول اتدور على محل قطع غيار رخيص واطلب السامان
او يمكن اتحصل في السكاريب ..دفريشن نظيف مستعمل